Maiyet ki qabar per fatiha parhny ka hukam


Question :
Kia ziarat qabar k wqt maiyet k liye sorat Fatiha ya Quran Majeed ka koi aur hissa parhna jaiz hai? Aur kia is ka issy faidah hota hai?

Answer :
Nabi kareem (S.A.W) sy yh sabit hai k App qabaro ki ziarat farmaya kerty thy aur murdon k liye app duayen farmaya kerty thy jo app ny Sahaba Karam R.A. ko sikhaen aur Sahaba karam R.A. ny app sy sikhee' chanacha in duaon mai sy aik yh bhi hai:
Aye (Es) basti k rehny waly momino aur musalmano! tum per salam! Be shak hum bhi In Sha Allah tum sy anqareeb milny waly hain. Hum Allah Ta'ala sy apny aur tumhary liye afiyet ki dua kerty hain.
"Aye (Es) basti k rehny waly momino aur musalmano! tum per salam! Be shak hum bhi In Sha Allah tum sy anqareeb milny waly hain. Hum Allah Ta'ala sy apny aur tumhary liye afiyet ki dua kerty hain."
Muslim no. 975.
App (S.A.W) ny bar bar qabaro ki ziarat farmai lekin yh sabit nahi k app ny kabhi murdo k liye sorat Fatiha ya Quran ki deegar ayaat ko parha hu.
agar yh sharai hukam hota to app aisa kerty' Sahaba karam R.A. k samny issy wazeh farmaty' inhain sawab ki ragbat dilaty aur ummat per rehmat farmaty aur is tarhan fareeza tablig ko bhi ada farmaty jaisa k Allah Ta'ala ny biyan farmaya App (S.A.W) ki shan yh hai:
(logo) tumhary pass tum hi mai sy aik paigumber aye hain' tumhari takleef in ko gara maloom hoti hai aur tumhari bhalai k bohat khuwaish mand hain aur mominu per nahayat shafqat kerny waly aur maherban hain.
"(logo) tumhary pass tum hi mai sy aik paigumber aye hain' tumhari takleef in ko gara maloom hoti hai aur tumhari bhalai k bohat khuwaish mand hain aur mominu per nahayat shafqat kerny waly aur maherban hain."
At-Tawbah 9 :128.
Jab App (S.A.W) ny wajood asbaab k bawajood aisa nahi kia to maloom howa k yh sharai amar nahi hai. Hazraat sahaba karam R.A. bhi is baat kojanty thy lehaza inhuny app k naqsh qadam ki pairvi ki aur ziarat qabor k wqt mordo k liye dua aur in sy ebrat hasil kerny per ektafa kia. aur yh sabi nahi k inhuny ny mordon k liye kabhi Quran parha hu' lehaza sabit howa k mordon k liye Quran parhna bidat hai aur Rasool Allah (S.A.W) ka irshad grami hai:
Jo shakhs hamary is deen (Islam) mai koi aisi nai baat paida kery jo is mai sy na hu to woh (baat) mardood hai.
"Jo shakhs hamary is deen (Islam) mai koi aisi nai baat paida kery jo is mai sy na hu to woh (baat) mardood hai."
Al-Bukhari no. 2697 and Muslim no. 1718.
Fatwa Committee



Tags : tilawat, recitation, qabar, grave, namaz, pray
 
 

This question is on 64 page in Fatawa Islamiyah book.


Book Publisher Saudi Arab

http://www.dar-us-salam.com/
POBOX: 11416 Saudi Arab
Phone: 0096614043432
Email: riyadh@dar-us-salam.com
Book Publisher Pakistan

http://www.darussalampk.com/
36 Lower Mall, Lahore
Phone: 00924237324034 Email:info@darussalampk.com