Rassol Allah (S.A.W) aur sahibeen ki qabron ko masjid Nabvi mai dakhil kerny ki hikmat


Question :
Jab yh maloom hai k mardo ko masjid mai dafan kerna jaiz nahi aur jis masjid mai qabar ho us mai namaz parhna jaiz nahi to phir Rasool Allah (S.A.W) aur baz sahaba karam R.A. lo qabrn ko masjid Nabvi mai dakhil kerny ki kia hikmat hai?

Answer :
Rasool Allah (S.A.W) sy yh sabit hai k app ny farmaya:
Allah Ta'ala yahod-o-nasara per la'anat farmaye k inhuny apny anmbiya ki qabaro ko masjiden bana lia tha.
"Allah Ta'ala yahod-o-nasara per la'anat farmaye k inhuny apny anmbiya ki qabaro ko masjiden bana lia tha."
Al-Bukhari no. 1330, Muslim no. 529, An-Nasa'i no.704, Ahmad 5: 204 aur Al-Muwatta no. 85.
Issi tarha yh bhi Hazrat Aisha R.A sy marvi sahi hadis sy sabit hai:
Hazrat Umm Salma R.A. aur Hazrat Habiba R.A. ny Rasool Allah (S.A.W) ki khidmat mai aik girja ka ziker kia jissy inhuny araz habsha mai dekha tha aur is mai tasviran bani huwi theen' Rasool Allah (S.A.W) ny farmaya: "un logo mai agar koi naik admi foot hota to is ki qabar per masjid bana laity aur is mai yh tasviren bhi banaty woh log Allah Ta'ala k nazdeek sab sy bad tareen makhloq hain.
"Hazrat Umm Salma R.A. aur Hazrat Habiba R.A. ny Rasool Allah (S.A.W) ki khidmat mai aik girja ka ziker kia jissy inhuny araz habsha mai dekha tha aur is mai tasviran bani huwi theen' Rasool Allah (S.A.W) ny farmaya: "un logo mai agar koi naik admi foot hota to is ki qabar per masjid bana laity aur is mai yh tasviren bhi banaty woh log Allah Ta'ala k nazdeek sab sy bad tareen makhloq hain."
Al-Bukhari nos. 427, 434, 1341 , Muslin no. 528, An-Nasa'i no. 705 aur Ahmad 6: 51.
Hazrat Jandab bin Abdul Allah Bijli R.A sy ravayat hai k mai ny Rasool Allah (S.A.W) ko irshad farmaty huway suna k :
Allah Ta'ala ny mujhy apna kahleel bana lia hai' jis tarhan is ny Hazrat Ibrahim A.S. ko apna kahlil banaya tha. agar mai ummat mai sy kisi ko apna khalil banata to Abu Bakar R.A. ko khalil banata' tum mai sy pehly log apny nabiyo aur waliyo ki qabaron ko masjiden bana laity thy' khabardar! Tum qabaron ko masjiden na banana' mai tumhain is sy mana kerta hoon.
"Allah Ta'ala ny mujhy apna kahleel bana lia hai' jis tarhan is ny Hazrat Ibrahim A.S. ko apna kahlil banaya tha. agar mai ummat mai sy kisi ko apna khalil banata to Abu Bakar R.A. ko khalil banata' tum mai sy pehly log apny nabiyo aur waliyo ki qabaron ko masjiden bana laity thy' khabardar! Tum qabaron ko masjiden na banana' mai tumhain is sy mana kerta hoon."
Muslin no. 532, Al-Hakim 2: 550.
Hazrat Jabir R.A. sy ravayat hai:
Nabi kareem (S.A.W) ny qabar ko chona gach (pukhta) kerny' is per bethny aur is amarat banany sy mana farmaya hai.
"Nabi kareem (S.A.W) ny qabar ko chona gach (pukhta) kerny' is per bethny aur is amarat banany sy mana farmaya hai."
Sahih Mislim no. 970.
Yh ahadis aur is mafhom ki deegar ahadis is bat per dalalat kerti hain k qabaro per masjiden banana haram hai aur aisa kerny walo per App (S.A.W) ny la'anat farmai hai' issi tarha yh ahaadis is baat per bhi dalalat kerti hain k qabaron per amarten banana' qubey ta'ameer kerna aur inhen chona gach kerna haram hai Qk yh shirk aur gair Allah ki ebadat k asbab mai sy hai jaisa k qadeem-o-jadeed dour ki tarekh shahid hai lehaza dunia bhar k musalmano per yh wajib hai k Allah aur is k Rasool (S.A.W) ny qabaro per emarat banany' qabro ko masjid banany' in per qubey ta'amir kerny' inhen chona gach kerny aur in per chirag jalany sy jo mana farmaya hai' is sy aur deegar kamo sy ejtanab karen' jin sy Rasool Allah (S.A.W) ny mana farmaya hai aur akser log jo kuch ker rahy hain is sy garib khurdah na houn Q k Haq to momin ki mata gum shudah hai' woh jab bhi issy pata hai ley laita hai. aur haq kitab-o-sunnat k dalaeel sy maloom hota hai' logo k ara aur amaal sy nahi. Allah k Rasool HAzrat Mohammad (S.A.W) aur ap k sahibeen R.A. ki tadfeen masjid mai amal mai nahi ai thi balkey in mai muqadas hastiyon ki tadfeen Hazrat AIsha R.A. k hujrah mai howi thi.
JAb waleed bin Abdul Mulk k aihed mai masjid Nabvi mai touse'e howi to pehli sadi hijri k akhir mai hujrah ko masjid mai dakhil ker dia gaya lehaza waleed ka yh amal masjid mai dafan k hukam mai nahi hai Qk Rasool Allah (S.A.W) aur sahibeen ko arz masjid ki taraf muntaqil nahi kia gaya lehaza yh amal kisi k lye qabro per emarat banany k jawaz ki daleel nahi ban sakta ya is sy yh sabit nahi hota k qabaro per masjiden banana ya masjido mai dafan kerna jaiz hai Qk yh sahi ahaadis jo mai ny abhi ziker ki hain' in sy in sab bato ki muma'anat sabit hoti hai aur Rasool Allah (S.A.W) ki sahi sunnat k khilaf waleed ka amal kisi k liye hujjat nahi. (Wallah Walee Al-toufeeq)
Shaikh ibn Baz



Tags : qabar, grave, masjid, mosque, namaz, pray
 
 

This question is on 61 page in Fatawa Islamiyah book.


Book Publisher Saudi Arab

http://www.dar-us-salam.com/
POBOX: 11416 Saudi Arab
Phone: 0096614043432
Email: riyadh@dar-us-salam.com
Book Publisher Pakistan

http://www.darussalampk.com/
36 Lower Mall, Lahore
Phone: 00924237324034 Email:info@darussalampk.com