Kabeerah gunaho k murtakib logo ka anjam


Question :
Jo log zina' qazaf (tuhmat) ya chori jaisy kabeerah gunaho ka irtekab karen aur ehkam shariyat k mutabiq inhain dunia mai in jaraeem ki saza na di ja saky aur woh toubah kiye bagair mar jayen to qayamat k din aisy logo k bary mai hukam-e-elahi kia hoga?

Answer :
Ahl-e-sunnat-o-aljamat ka aqeedah yh hai k agar koi musalman zina' qazaf (tuhmat) aur chori jaisy kabeerah gunaho per israr ki halat mai mar jaye to is k sath Allah Ta'ala apni masheet k mutabiq mamla keryga. Agar Allah Ta'ala chahey to issy muaf farma dey aur agar chahay to issy azaab dey aur bilaakhir is ka anjam jannat hoga. Irshad bari Ta'ala hai:
Beshak Allah is gunah ko nahi bakhshey ga k kisi ko is ka sharik banaya jaye aur is k siwa aur gunaah jis ko chahay muaf ker dey.
"Beshak Allah is gunah ko nahi bakhshey ga k kisi ko is ka sharik banaya jaye aur is k siwa aur gunaah jis ko chahay muaf ker dey."
Al-Ma'idah 5: 38.
Sahi aur matwatir ahadis sy yh sabit hai k gunahgar mohaddin ko janam sy nikal lia jayega. HAzrat Ebadah Bin Samit R.A. sy marvi hai k Hum Nabi (S.A.W) k pass thy to app ny farmaya:
Kia meri is baat per bayet kerty hu k Allah Ta'ala k sath kisi ko sharik na karogy' badkari na karo gy' chori na karo gy.
"Kia meri is baat per bayet kerty hu k Allah Ta'ala k sath kisi ko sharik na karogy' badkari na karo gy' chori na karo gy."
An-Nisa 4 :48.
Phir ap ny sorat Nisa ki mazkor bila ayat kareema tilawat ki aur farmaya:
Jo tum mai sy is bayet ko pura karyga to is ka ajar Allah Ta'ala k zeemay hai' jo shakhs in mai sy kisi gunah ka irtekab kery aur issy saza ml jaye to woh saza is k liye kufarah ban jaye gi aur jis ny in mai sy kisi gunah ka irtekab kia aur Allah Ta'ala ny is ki perdah poshi ki to woh Allah Ta'ala k sapurd hai' agar chahey to azaab dey aur chahay to issy muaf farma dey.
"Jo tum mai sy is bayet ko pura karyga to is ka ajar Allah Ta'ala k zeemay hai' jo shakhs in mai sy kisi gunah ka irtekab kery aur issy saza ml jaye to woh saza is k liye kufarah ban jaye gi aur jis ny in mai sy kisi gunah ka irtekab kia aur Allah Ta'ala ny is ki perdah poshi ki to woh Allah Ta'ala k sapurd hai' agar chahey to azaab dey aur chahay to issy muaf farma dey."
Al-Bukhari no.18, 3892, 3893 aur 3999 and 4894.
Fatwa Committee



Tags : gunnah, sin, saza, punish, jannat, paradise
 
 

This question is on 43 page in Fatawa Islamiyah book.


Book Publisher Saudi Arab

http://www.dar-us-salam.com/
POBOX: 11416 Saudi Arab
Phone: 0096614043432
Email: riyadh@dar-us-salam.com
Book Publisher Pakistan

http://www.darussalampk.com/
36 Lower Mall, Lahore
Phone: 00924237324034 Email:info@darussalampk.com