Apny Haq Ko Hasil Kerny K Liye Rishwat Dena


Question :
mai aik aisy tajir k pass kaam krti hoon' jo rishwat k bagair kaam krta hi nahi. mai us ka hisaab kitab krta hoon' us k kaam ki nigrani krta aur us ki tankhuwah laita hoon to kia aisy tajir k pass kaam krny ki waja sy gunaah hai ya nahi?

Answer :
Awwalan: us bat ko achi tarha jaan lejiye k woh rishwat haraam hai' jissy insaan kisi batil kaam k liye dy maslan mazi ko rishwat dy ta k woh us k haq mai najaiz faisla kr dy ya kisi sarkaari mulazim ko rishwat dy ta k woh us k kisi kaam ko ma'af kr dy' jo hakomat k nazdeek naqabil maafi ho to in jaisy amoor k liye rishwat dena haraam hai.
jis rishwat k zariye sy insaan apny haq ko hasil krna chaheye k us k bagair us k liye apny haq ko hasil krna mumkin na ho to is sorat mai leny waly k liye rishwat bilashuba haraam hogi magar deny waly k liye nahi Qk deny wala to apny haq kohasil krny k liye dy raha hai' albatta leny wala zaror gunaahgar hai qk woh nahaq maal lay raha hai.
baherhaal is munasbat sy mai yh zaror kahoon ga k is bohat ghatiya aur sharan haraam kaam sy ijtanab krna chaheye' jissy aqal bhi pasand nahi krti. baz log--Allah ta'ala unhen hadayat bakhshay. logo k haqoq ada krny aur un k mamlaat ko asaan bnany k silsila mai is wqt tak apny faraiz ada hi nahi krty' jab tak unhen maal na dia jaye halaan k yh un k liye haraam hai. is mai hakomat ki bhi khayanat hai aur jo un k sapurd amanat hai us ki bhi' naiz batil tariky sy maal khana aur apny bhaiyu pr zulm krna bhi hai' lehaza unhen chaheye k Allah ezz-o-jal sy darayn aur jis bar amanat ko unhuny uthaya howa hai us k bary mai apni zeemadariyu ko pura karen.
is asool ki bunyaad pr rishwat ka mamla krny waly us tajir shakhs k pass kaam krna haraam hai Qk haraam kaam krny waly k pass kaam krny mai us ki ea'anat hai aur haraam kaam mai ea'anat krna haraam aur gunaah k kaam mai shirkat hai lehaza app bagur jaizah lain k ager yh shakhs apny haq ko hasil krny k liye rishwat deta hai to phir us k pass kaam krny mai apko koi gunaah nahi hoga basorat deegar gunaah aur us k pass kaam krna haraam hai.
Sheikh Ibn Usaymeen



Tags : haq, right, rishwat, bribe, gunaah, sin
 
 

This question is on 326 page in Fatawa Islamiyah book.


Book Publisher Saudi Arab

http://www.dar-us-salam.com/
POBOX: 11416 Saudi Arab
Phone: 0096614043432
Email: riyadh@dar-us-salam.com
Book Publisher Pakistan

http://www.darussalampk.com/
36 Lower Mall, Lahore
Phone: 00924237324034 Email:info@darussalampk.com