Sifarish


Question :
Sifarish k bary mai kia hukam hai 'kia yh haraam hai? maslan jab koi mulazmat hasil krna chahoon ya school mai dakhlay ka masla dar paish ho ya is tarha ka koi aur mamla ho aur mai kisi sy sifarish kara loon to us k bary mai kia hukam hai?

Answer :
Awwalan: hasool mulazmat k silsila mai sifarish sy ager kisi aisy insaan ki haq talfi hoti ho' jo us mulazmat k liye tum sy ziadah behter aur ziadah haq dar ho maslan yh k mutalqa mulazmat k hawala sy us ki ilmi istedad ziadah ho ya woh us kaam ko tum sy ziadah behter andaz mai sar anjaam deny ki salahiyet rakhta ho to phir sifarish krana haraam hai' Qk us shakhs pr bhi zulm hai jo tum sy ziadah haq dar hai aur yh hukmrano pr bhi zulm hai k unhen ziadah qabil' masta'ad aur ba salahiyet logo sy mehroom krna hai aur yh ummat k sath bhi ziadati hai k ussy un logo ki khidmat sy mehroom krna hai jo kaam ko ziadah behter aur mozo tur pr sar anjaam deny ki salahiyet rakhty houn aur phir us sy adawat' keenay' nafraten aur bad gumaniyaan bhi janam laiti hain' jis sy moashrah kharab hota hai aur ager sifarish sy kisi ka haq zaya na hota ho ya kisi ko koi noqsaan na pohanchta ho to phir yh jaiz hai balky sharan us ki targeeb bhi di gai hai aur sifarish krny waly ko in Sha Allah ajar-o-sawab bhi mily ga Qk hadis sy yh sabit hai k Nabi S.A.W ny farmaya:
sifarish karo tumhen ajar-o-sawab mily ga aur Allah ta'ala apny Nabi ki zubani jo chahta hai faisla farma deta hai.
"sifarish karo tumhen ajar-o-sawab mily ga aur Allah ta'ala apny Nabi ki zubani jo chahta hai faisla farma deta hai."
Saniyan: madaris' deeni idaray aur universitiyaan ummat ki falaah-o-behbood k idaray hain' in idaro mai woh ta'aleem di jati hai' jo deen-o-dunia k aitbar sy munfa'at bakhsh hai' lehaza ummat k kisi fard ko in idaro mai ta'aleem hasil krny ka dosro sy ziadah haq hasil nahi hai' lehaza un mai dakhla sifarish ki bajaye deegar amoor maslan merit wagairah ki bunyaad pr hona chaheye. sifarish krny waly ko ager yh maloom ho k us ki sifarish ki wja sy koi aisa shakhs dakhla sy mehroom ho sakta hai' jo ahliyet ya umer ya asbaqeet k aitbar sy muqaddam ho to phir sifarish mamno'o hogi Qk is mai mehroom reh jany waly pr zulm hoga ya woh kisi dur daraz school mai dakhla leny per majbor ho jaye ga' jis ki waja sy ussy bohat takleef hogi aur dosry ko rahat aur phir is sy moashray mai kadurten' nafraten aur kharabiyaan bhi peda hoti hain lehaza un halaat mai sifarish jaiz nahi.
Darood-e-Pak
Fatwa Committee



Tags : sifarish, intermediary, haraam, unlawful, mulazmat, job
 
 

This question is on 324 page in Fatawa Islamiyah book.


Book Publisher Saudi Arab

http://www.dar-us-salam.com/
POBOX: 11416 Saudi Arab
Phone: 0096614043432
Email: riyadh@dar-us-salam.com
Book Publisher Pakistan

http://www.darussalampk.com/
36 Lower Mall, Lahore
Phone: 00924237324034 Email:info@darussalampk.com