Kia Koi Paisha Gair Shareefana Bhi Hai?

Question :
baz logo ka khayal hai k kuch paishay gair shareefana hain aur woh in paishon k krny walo maslan nanbaiyu' hajamo' mochiyon aur safai ka kaam krny walo ko acha nahi samjhty. kia koi aisi sharai daleel hai jis sy maloom ho k yh khayal sahi hai? kia arbi aadaat-o-tabai in paishu sy nafrat krti hain? rehnumai farmayen. Jazakum Allah kheran.

Answer :
in paishu aur in jaisy deegar jaiz paishu mai koi harj nahi ba shart yh k un paishu sy wabasta shakhs apny Rab sy dary' humdardi-o-kher khuwahi sy kaam kery aur apny sath mamla krny walo ko dhoka na dy jaisa k adlaa shariya k amoom ka taqaza hai maslan jab Nabi  sy yh sawal pocha gya k kon si kamai ziadah pakeezah hai? to app ny jawab mai farmaya:

"admi ka apny hath sy kaam krna aur hr jaiz be'e."
is hadis ko buzaar ny ravayat kia aur hakim ny sahi qarar dia hai' issi tarha apny yh bhi farmaya hai:

"kisi ny apny hath ki kamai sy behtar khana aur koi nahi khaya' Allah ta'ala k Nabi Dawud A.S.' bhi apny hath ki kamai sy khaya krty thy."
(is hadis ko imam bukhari R.A. ny apni "sahi" mai ravayat farmaya hai)
Phir logo ko un aur un jaisy deegar paishu ki zarorat bhi hai' un ko tark kr deny sy musalmano ko noqsan hoga Qk in kamo k liye phir unhen apny dushmano ka dust-e-nagar hona pary ga. jo shakhs safai k kaam sy wabasta ho' ussy chaheye k apny jism aur kapro ko najasat sy mehfoz rakhny k liye puri puri koshish kary aur ager koi najasat wagairah lag jaye to jism aur kapro ko pak krny ka khub aihtamam kery. wallah walee al tufeeq.
Sheikh Ibn Baz