Dai Ko Narm Aur Hans Mukh Hona Chaheye


Question :
baz log jin ko hum deeni aihkaam ka paband khayal krty hain' woh logo sy bohat sakhti aur darushti sy mamla krty hain aur hamesha manqabz aur tursh ro nazar aaty hain' to un logo k liye app ki kia nasihet hai? musalman ko apny musalman bhai sy kis tarha mamla krna chaheye khasosan jab woh deeni aihkaam ki pabandi mai kotahi kr raha ho?

Answer :
Nabi S.A.W ki sunnat mutehrah sy humay yh rehnumai milti hai k insaan k liye yh wajib hai k woh Allah ta'ala ki taraf hikmat' narmi aur shaistagi k sath dawat dey' jaisa k Allah ta'ala ny apny Nabi Hazrat Mohammad S.A.W sy bhi farmaya:
Aye paigumber! logo ko danish aur naik nasihet sy apny perverdigar k rasty ki taraf bulao aur bohat hi achay tareeq sy un sy munazrah karo.
"Aye paigumber! logo ko danish aur naik nasihet sy apny perverdigar k rasty ki taraf bulao aur bohat hi achay tareeq sy un sy munazrah karo."
aur Farmaya:
(Aye Mohammad S.A.W !) Allah ki maherbani sy tum un logo k liye bohat naram mizaj waqi howay ho aur ager tum sakht khu aur sakht dil hoty to yh tumhary pass sy bhag khary hoty to un ko maf kr du aur un k liye (Allah sy) magfirat mangu.
"(Aye Mohammad S.A.W !) Allah ki maherbani sy tum un logo k liye bohat naram mizaj waqi howay ho aur ager tum sakht khu aur sakht dil hoty to yh tumhary pass sy bhag khary hoty to un ko maf kr du aur un k liye (Allah sy) magfirat mangu."
Allah ta'ala ny jab Hazrat Mosa-o-Haroon ko firo'un ki taraf bheja to un sy farmaya:
aur us sy narmi sy bat krna shayed woh gour kery ya dar jaye.
"aur us sy narmi sy bat krna shayed woh gour kery ya dar jaye."
Nabi S.A.W ny farmaya hai:
beshak Allah ta'ala narm hai' narmi ko pasand farmata hai aur narmi k sath woh ata farma deta hai jo woh sakhti k sath ata nahi farmata.
"beshak Allah ta'ala narm hai' narmi ko pasand farmata hai aur narmi k sath woh ata farma deta hai jo woh sakhti k sath ata nahi farmata."
App jab mubligeen ko rawana kerty to unhen hadayat farmaty:
aasani peda karo aur mushkil mai na dalo' khush khabri sunao aur nafrat na dilao.
"aasani peda karo aur mushkil mai na dalo' khush khabri sunao aur nafrat na dilao."
dai ko chaheye k woh narm' hans mukh aur khullay dil ka malik ho ta k yh bat us shakhs ko dawat qabool krny k liye apeel kery' jissy woh Allah ta'ala k deen ki dawat dy raha ho. wajib hai k yh apny nafs ki taraf nahi balky Allah ta'ala ki taraf dawat dy Qk jab woh sirf Allah ta'ala hi ki taraf dawat dy ga' to is tarha woh mukhlis ban jaye ga' Allah ta'ala us k kaam mai asani peda kr dy ga aur us k hatho apny jin bandu ko chahy ga hadayat ata farma dy ga aur ager woh apny nafas ki tarf dawat dy yani us ka iradah yh ho k ussy fattah-o-nusrat hasil ho ya woh is tarha dawat dy k goya ussy apna dushman samjh raha ho aur us sy inteqam lena chahta ho to is tarha dawat naqis hogi aur mumkin hai k barkat sy bhi mehroom ho' lehaza dai bhaiyu ko meri nasihet hai k woh is bat per tawajjah farmayen k woh Allah ki makhloq ko is tarha dawat den k un k paish-e-nazar makhloq per rehmat' Allah Ezz-o-jal k deen ki ta'azeem aur us ki nusrat-o-eea'anat ho.
Shiekh Ibn Usaymeen



Tags : dai, one inviting others, hans mukh, smiling face, narm, gentle
 
 

This question is on 305 page in Fatawa Islamiyah book.


Book Publisher Saudi Arab

http://www.dar-us-salam.com/
POBOX: 11416 Saudi Arab
Phone: 0096614043432
Email: riyadh@dar-us-salam.com
Book Publisher Pakistan

http://www.darussalampk.com/
36 Lower Mall, Lahore
Phone: 00924237324034 Email:info@darussalampk.com