Musalman Apny Ilm K Mutabiq Dawat Ka Kaam Kery


Question :
America mai ta'aleem hasil krny k doran hamary samny deen esaiyet-o-yahudiyet k kai aik pehlu wazeh howay hain to kia un k bary mai guftagu krna hamary liye jaiz hai?

Answer :
Haan! app k liye jaiz hai k is mozo k bary mai apny ilm k mutabiq guftagu karen' jab k ilm k bagair is mozo ya kisi bhi dosry mozo k bary mai guftagu karna jaiz nahi hai. yad rahy k turaat aur anjeel ki shariyaten bhi un shariyeto mai sy hain' jinhen Allah ta'ala ny apny RAsoolo pr' is dur k logo k liye' un k zamany aur halaat k mutabiq nazil farmaya tha aur Allah subhan-o-ta'ala hi hikmat wala aur sab kuch jannay wala hai. Allah ta'ala ny sorat al Maidah mai Turaat' Anjeel aur Quran Majeed k nazil krny ka ziker krny k bad farmaya:
hum ny tum mai sy hr aik k liye aik dastur aur tarika muqarar kia hai.
"hum ny tum mai sy hr aik k liye aik dastur aur tarika muqarar kia hai."
Aur phir Allah ta'ala ny yh bhi ziker farmaya hai:
be shak Tumhara perverdigar khub hikmat wala (sab kuch) jannay wala hai.
"be shak Tumhara perverdigar khub hikmat wala (sab kuch) jannay wala hai."
Phir yh bhi yad rahy k yahud-o-nasara ny apni shariyeto mai tehreef aur tabdeeli kr k aisi aisi bato ko dakhil kr dia tha' jin ka un shariyeto sy koi ta'aluq nahi tha. phir tamam Anmbiya karaam k bad Allah ta'ala ny apny Nabi Hazrat Mohammad S.A.W ko tamam Ro-a-zameen k jino aur insano k liye aik alamgeen naboat-o-risalat aur aik jamia shariyet k sath mabous farmaya aur is shariyet k sath Turaat-o-anjeel ki shariyeto ko mansokh kr dia aur tamam Ro-a-zameen k logo k liye is bat ko wajib qarar dy dia k ab woh is shariyet k mutabiq faisly karen' jissy lay kr Hazrat Mohammat S.A.W dunia mai tashreef laye hain aur ab sirf aur sirf issi shariyet k daman sy wabasta ho jayen baki tamam shariyet chor den jaisa k Allah ta'ala ny apny Nabi S.A.W sy mukhatib ho kr Sorat Al maidah mai farmaya hai:
Aur (Aye Paigumber!) hum ny tum pr sachi kitab nazil ki hai jo apny sy pehli kitabo ki tasdeeq krti hai aur un ki muhafiz hai to jo hukam Allah ny nazil farmaya hai us k mutabiq un ka faisla krna aur haq jo tumhary pas aa chuka hai' us ko chor kr un ki khuwahishu ki pervi na krna' hum ny tum mai sy hr aik (firqay) k liye aik dastur aur tarika muqarar kia hai ager Allah chahta to tum sab ko aik hi ummat bana deta lekin us ki chahat hai k jo tumhen dia hai us mai tumhay azmaye' tum nekiyu ki taraf jaldi karo' tum sab ka roju'o Allah hi ki taraf hai phir woh tumhay hr woh cheez bta dy ga jis mai tum ikhtalaf krty rahty ho.
"Aur (Aye Paigumber!) hum ny tum pr sachi kitab nazil ki hai jo apny sy pehli kitabo ki tasdeeq krti hai aur un ki muhafiz hai to jo hukam Allah ny nazil farmaya hai us k mutabiq un ka faisla krna aur haq jo tumhary pas aa chuka hai' us ko chor kr un ki khuwahishu ki pervi na krna' hum ny tum mai sy hr aik (firqay) k liye aik dastur aur tarika muqarar kia hai ager Allah chahta to tum sab ko aik hi ummat bana deta lekin us ki chahat hai k jo tumhen dia hai us mai tumhay azmaye' tum nekiyu ki taraf jaldi karo' tum sab ka roju'o Allah hi ki taraf hai phir woh tumhay hr woh cheez bta dy ga jis mai tum ikhtalaf krty rahty ho."
aur Farmaya:
tumhary perverdigar ki qasam! yh log tab tak momin nahi ho sakty jab tak apny tanaza'at mai tumhay munsaf na bnaye' phir jo faisla tum kr du us sy apny dil mai koi tangi mehsos na karen balky sar tasleem kham kr lain.
"tumhary perverdigar ki qasam! yh log tab tak momin nahi ho sakty jab tak apny tanaza'at mai tumhay munsaf na bnaye' phir jo faisla tum kr du us sy apny dil mai koi tangi mehsos na karen balky sar tasleem kham kr lain."
Aur FArmaya:
kia yh zamana jahliyet k hukam k khuwaish mand hain aur jo yaqeen rakhty hain un k liye Allah sy acha hukam kis ka hai.
"kia yh zamana jahliyet k hukam k khuwaish mand hain aur jo yaqeen rakhty hain un k liye Allah sy acha hukam kis ka hai."
is mazmoon ki aur bhi bohat si ayaat hain' jo shakhs bhi Quran kareem mai tadabbur kery aur istafadah-o-amal k liye kasrat sy tilawat kery to Allah ta'ala ussy raah-e-haq ki hadayat farma dy ga. jaisa k IRshad bari ta'ala hai:
yaqinan yh Quran woh rasta dikhata hai jo sab sy sidha hai aur emaan walo ko' jo naik amaal krty hain' us bat ki khushkhabri deta hai k un k liye bohat bara ajar hai.
"yaqinan yh Quran woh rasta dikhata hai jo sab sy sidha hai aur emaan walo ko' jo naik amaal krty hain' us bat ki khushkhabri deta hai k un k liye bohat bara ajar hai."
Shiekh Ibn Baz



Tags : musalman, muslim, ilm, knowledge, dawat, invite
 
 

This question is on 303 page in Fatawa Islamiyah book.


Book Publisher Saudi Arab

http://www.dar-us-salam.com/
POBOX: 11416 Saudi Arab
Phone: 0096614043432
Email: riyadh@dar-us-salam.com
Book Publisher Pakistan

http://www.darussalampk.com/
36 Lower Mall, Lahore
Phone: 00924237324034 Email:info@darussalampk.com