Jis Ny Kisi Deenvi Maslihat Ki Waja Sy Azraah Jahalat---


Question :
us shakhs k bary mai kia hukam hai jis ny kisi deenvi maslihat ki waja sy azraah jahalat apny baap ka naam badal dia ho?

Answer :
insaan k liye yh jaiz nahi k kisi deenvi maslihat ki waja sy apny baap k naam ko tabdeel kry' Qk jis ko us ny maslihat samjha hai ya to yh is liye hogi k jis ki taraf woh intesaab kr raha hai' us sy woh deenvi wajahat hasil kery aur apny baap ki taraf intesaab sy dust kash ho jaye aur yh kabirah gunaah hai' Qk us mai jhot bhi hai aur baap ko haqeer samjhna bhi' Qk yh us ki taraf intesaab sy a'araaz kr raha hai ya us ka ussy maqsad maal kamana hoga virasat k zariye ya hakomat k zariye ya kisi aur tarikay sy aur yh bhi kabirah gunaah hai' Qk us mai jhot'dhoka'logo sy fraud aur batil tariky sy maal khana hai aur phir us mai insaab ki tabdeeli bhi hai ya yh baat insaab ki tabdeeli aur talbees ka sabab ban sakti hai aur us k natijy mai yh mumkin hai k Allah ta'ala ny nikaah ki jin sorto ko halaal qarar dia hai' woh haraam aur haraam sorten halaal qarar paa jayen. is tarha amwaal wagairah mai bhi is tarha ki kharabi ki sorat peda ho sakti hai aur yh bhi bohat bari kharabi hai. Hazrat Abu Zar R.A. sy ravayat hai k Nabi S.A.W ny farmaya:
jo shakhs jan bojh kr apny apko baap k elawah kisi aur ki taraf mansob kery to woh kafir hai.
"jo shakhs jan bojh kr apny apko baap k elawah kisi aur ki taraf mansob kery to woh kafir hai."
Al-ukhari no . 3508, Muslim no. 61.
Hazrat Sa'ad bin abi waqas R.A. sy sabit hai k Nabi S.A.W ny farmaya:
jo shakhs jan bojh kr apny baap k elawah kisi aur ki taraf mansob kery to is jannat haraam hai.
"jo shakhs jan bojh kr apny baap k elawah kisi aur ki taraf mansob kery to is jannat haraam hai."
Al-Bukhari no. 6766, Muslim no. 63.
Aur Hazrat Abu Hurerah R.A. sy sabit hai k Rasool Allah S.A.W ny farmaya:
apny baapu sy a'araaz na karo' Qk jis ny apny baap sy a'araz kia to yh kafir hai.
"apny baapu sy a'araaz na karo' Qk jis ny apny baap sy a'araz kia to yh kafir hai."
Al-Bukhari no. 6768, Muslim no. 62.
Jo shakhs apny apko apny baap k elawah kisi aur ki mansob kery to Rasool Allah S.A.W ny ussy waeed sunai aur us pr sakhti ki hai hatta k us pr kufar ka hukam lagya (yani aisy shakhs ko kafir kaha) aur us pr jannat ko haraam qarar dia hai' lehaza jis kisi ny bhi aisa kia hai' ussy chaheye k woh is sy baz aajaye aur apni is kotahi pr Allah ta'ala sy touba-o-astafgar kery.
Fatwa Committee



Tags : deenvi maslihat, worldly benefit, jahalat, igorance, baap ka naam badalna, changes fathers name
 
 

This question is on 232 page in Fatawa Islamiyah book.


Book Publisher Saudi Arab

http://www.dar-us-salam.com/
POBOX: 11416 Saudi Arab
Phone: 0096614043432
Email: riyadh@dar-us-salam.com
Book Publisher Pakistan

http://www.darussalampk.com/
36 Lower Mall, Lahore
Phone: 00924237324034 Email:info@darussalampk.com