Touba Kerny Ka Tarika


Question :
Mai 19 bars ka aik nojawan hoon' mai ny bohat sy gunaho ka irtekab kia hai hatta k mai aksar masjid mai bajamat namaz bhi ada nahi krta' zindagi bhar kabhi ramzan k sary rozay nahi rakhy' is tarha mai ny aur bhi bohat sy bury kaam kiye. mai ny aksar touba krny ka iradah bhi kia lekin phir bhi gunaho ki zinadagi hi basar krta raha. apny mohalla k kai aisy nojawano sy meri dosti hai' jin ka ikhlaq-o-kirdar darust nahi hai' is tarha mery bhaiyu k dost jo hamary ghar mai aaty rahy hain' woh bhi naik atwar nahi hain' is mahool ki wja sy Allah janta hai k mai ny kitny hi gunaho ka irtekab kia hai magar mai jab bhi touba ka iradah krta hoon phir sy gunaho ki zindgi ki taraf lout ata hoon. umeed hai app rehnumai farmayen gay k mai woh kon sa rasta ikhteyar karon' jo mujhy mery RAb sy qareeb kr dy aur in bury amaal sy dur kr dy?

Answer :
Irshad bari ta'ala hai:
Aye Paigumber! meri taraf sy logo ko keh du k Aye mery Bandu! jinhuny apni jano pr ziadati ki hai' Allah ki rehmat sy na umeed na hona. Yaqinan Allah to sab gunaho ko bakhsh deta hai (aur) bila shuba woh to bohat bakhshany wala nahayat maherban hai.
"Aye Paigumber! meri taraf sy logo ko keh du k Aye mery Bandu! jinhuny apni jano pr ziadati ki hai' Allah ki rehmat sy na umeed na hona. Yaqinan Allah to sab gunaho ko bakhsh deta hai (aur) bila shuba woh to bohat bakhshany wala nahayat maherban hai."
Az-Zumar 39: 53.
oulama ka ijma'a hai k yh ayat karima touba krny walo k bary mai nazil howi hai. is sy maloom hota hai k jo shakhs apny gunaho sy sachi touba kr lay' Allah ta'ala us k tamam gunaho ko maaf farma deta hai' naiz irshad bari ta'ala hai:
Aye momino! Allah ki bargah mai saf dil sy (khalis) touba kro' umeed hai k woh tumhary gunaah tum sy dur kr dy ga aur tum ko bagh haye behshat mai jin k neechy nahren beh rahi hain dakhil kry ga.
"Aye momino! Allah ki bargah mai saf dil sy (khalis) touba kro' umeed hai k woh tumhary gunaah tum sy dur kr dy ga aur tum ko bagh haye behshat mai jin k neechy nahren beh rahi hain dakhil kry ga."
At-Tahrim 66: 8.
is ayat karima mai Allah ta'ala ny gunaho k mita deny aur jannat mai dakhil kr deny ko sachi touba k sath mo'aliq rakha hai. sachi touba woh hoti hai jo gunaho k tark kr deny' in sy ijtanab krny' sabqa gunaho pr nidamat ka izhar krny aur is azam sadiq pr mushtamil ho k Allah subhan-o-ta'ala ki ta'azeem' us k sawab k shoq aur us k azaab k dar k baees aindah un ka irtekab nahi kia jaye ga. sachi touba ki sharto mai sy aik shart yh bhi hai k zulm sy jin logo ki jo chezen cheeni houn' unhen wapis louta dia jaye ya un sy maaf karwa lia jaye ba shart yh k us zulm ka ta'aluq khon ya maal ya ezzat sy ho aur ager us ka ta'aluq kisi aisi chez sy ho k ussy maf karwana mumkin na ho to phir apny us bhai k liye kasrat sy dua kry aur jin maqamat pr us ki geebat wagairah ki thi' wahan us k achay amaal ka tazkarah kery qk nekiyaan buraiyu ko mita deti hain'
Irshad bari ta'ala hai:
aur Aye momino! tum sab Allah ki bargaah mai touba karo ta k falaah pao.
"aur Aye momino! tum sab Allah ki bargaah mai touba karo ta k falaah pao."
An-Nur 24: 31.
is ayat karima mai Allah ta'ala ny falaah aur kamiyabi ko touba k sath moaliq qarar dia hai lehaza maloom howa k touba krny wala kamiyab aur sa'adat mand hai aur ager touba krny wala touba k bad emaan aur amal saleh ka muzahirah kery' to Allah ta'ala us ki buraiyu ko maaf farma kr unhen nekiyu mai tabdeel kr dy ga. jaisa k Allah subhan-o-ta'ala ny sorat al furqan mai shirk' qatal nahaq aur badkari ka ziker krny k bad farmaya hai:
aur jo yh kaam kery ga sakht gunaah mai mubtala hoga. qayamat k din us ko dugna azaab hoga aur zillet-o-khuwari sy hamesha us mai rahy ga' mager jis ny touba ki aur emaan laya aur achay kaam kiye to aisy logo k gunaho ko Allah nekiyu mai badal dy ga aur bilashuba Allah to bohat bakhshany wala nahayat maherban hai.
"aur jo yh kaam kery ga sakht gunaah mai mubtala hoga. qayamat k din us ko dugna azaab hoga aur zillet-o-khuwari sy hamesha us mai rahy ga' mager jis ny touba ki aur emaan laya aur achay kaam kiye to aisy logo k gunaho ko Allah nekiyu mai badal dy ga aur bilashuba Allah to bohat bakhshany wala nahayat maherban hai."
Al-Furqal 25: 68-70.
touba k asbaab-o-zarai mai sy yh bhi hai k aajiz-o-inkasar k sath Allah ta'ala sy hadayat' tufeeq aur touba ki dua ki jaye k us ny khud hi farmaya hai:
tum mujh sy dua kro mai tumhari (dua) qabool karon ga.
"tum mujh sy dua kro mai tumhari (dua) qabool karon ga."
Ghafir 40: 60.
Aur farmaya hai:
aur (Aye Paigumber!) jab tum sy mery bandy mery bary mai dariyaft karen to (keh du k) mai to (tumhary) qareeb hoon. jab koi pukarny wala mujhy pukarta hai to mai us ki dua qabool krta hoon.
"aur (Aye Paigumber!) jab tum sy mery bandy mery bary mai dariyaft karen to (keh du k) mai to (tumhary) qareeb hoon. jab koi pukarny wala mujhy pukarta hai to mai us ki dua qabool krta hoon."
Al-Baqarah 2: 186.
touba aur is pr esteqamat k asbaab mai sy aik sabab yh bhi hai k naik logo ki suhbat ikhteyar ki jaye. sahi hadis mai hai k Rasool Allah S.A.W ny farmaya:
admi apny dost k deen pr hota hai' lehaza tum mai sy hr aik ko yh dekhna chaheye k us ki kis sy dosti hai.
"admi apny dost k deen pr hota hai' lehaza tum mai sy hr aik ko yh dekhna chaheye k us ki kis sy dosti hai."
At-Tirmithi no. 2378 and Ahmad 2/ 303, 334.
Nabi S.A.W ny yh bhi farmaya hai:
naik aur bury sathi ki misal kasturi bechny waly aur bhatti dhonkany waly lohar ki si hai k kasturi bechny wala ya to tumhen tuhfa dy dy ga ya tum us sy kharid lo gy ya us sy achi khushbu paaty rahu gy aur bhatti dhonkny wala ya to tumhary kapry jala dy ga ya tum us sy badbu paaty rahu gay.
"naik aur bury sathi ki misal kasturi bechny waly aur bhatti dhonkany waly lohar ki si hai k kasturi bechny wala ya to tumhen tuhfa dy dy ga ya tum us sy kharid lo gy ya us sy achi khushbu paaty rahu gy aur bhatti dhonkny wala ya to tumhary kapry jala dy ga ya tum us sy badbu paaty rahu gay."
Al-Bukhari no. 5534 and Muslim no. 2628.
Fatwa Committee



Tags : touba ka tarika, way to repentance, gunnah, sin, namaz, pray
 
 

This question is on 171 page in Fatawa Islamiyah book.


Book Publisher Saudi Arab

http://www.dar-us-salam.com/
POBOX: 11416 Saudi Arab
Phone: 0096614043432
Email: riyadh@dar-us-salam.com
Book Publisher Pakistan

http://www.darussalampk.com/
36 Lower Mall, Lahore
Phone: 00924237324034 Email:info@darussalampk.com