Touba ki Adam Qaboliyet ka Darr


Question :
aik shakhs ny gunaah ka irtekab kia mager phir touba kr li mager woh dil mai mehsos krta hai k Allah ta'ala ussy maf nahi kary ga' aisy shakhs k liye app ki kia nasihet hai?

Answer :
yh is bat ki daleel hai k app k dill mai Allah ta'ala ka khuf bohat shadid aur is ki hurmaat ki bohat ta'azeem hai' in Sha Allah app kher-o-bhalai pr hain. is khuf sy dur ho jayen ' jo bilawaja hai ta k shetan ap ko ta'ajub aur mushaqqat mai daal kr app ki zindagi ko tang na kr dy. khub jaan lijeye! shetan ap ka dushman hai' is ny jab yh dekha k ap ko neki sy mohabbat hai' Allah ta'ala k liye app k dill mai gairat hai aur nekiyu ki taraf app sabqat krty hain' to is ny iradah kia k ap ko ta'ajub aur mushaqqat mai daal dy lehaza is ki baat na manen aur is ny jo iradah kia hai is sy apny ko dur rakhen aur apny Rab ta'ala pr mutmain ho jayen aur khub jaan len k touba kafi hai' gunaah khuwah kitna hi bara Q na ho' Allah ta'ala ka touba ko qabool krna' hr cheez sy barh kr hai. shirk sy bara to koi gunaah nahi' mager jab mushrik touba kr lay to Allah ta'ala is ki touba ko bhi qabool kr k issy maaf farma deta hai. app ny jo gunaah kia us sy touba karen. touba sy hr gunaah mit jata hai. touba k bad kisi waswasa mai mubtala na houn aur is khuf k bary mai Allah ta'ala k dushman ki etat na karen aur jaan len k app ny to Alhumdulillah! sachi aur khalis touba kr k bohat bari kamiyabi hasil kr li hai jaisa k Allah subhan-o-ta'ala ny farmaya:
aur jo touba kery aur emaan laye aur amal naik kery phir sidhay rasty pr chaly bilashuba is ko mai bakhsh deny wala hoon.
"aur jo touba kery aur emaan laye aur amal naik kery phir sidhay rasty pr chaly bilashuba is ko mai bakhsh deny wala hoon."
Ta Ha 20: 82.
is mafhom ki aik bohat azeem ayat hai aur woh yh k bandah jab touba kr lay aur touba k bad emaan aur amal saleh ka muzahirah kery to Allah ta'ala us k gunaah ko neki sy badal deta hai yani us ki hr burai neki bana deta hai jaisa k sorat al furqan mai irshad bari ta'ala hai:
aur woh jo Allah k sath kisi aur ma'abod ko nahi pukarty aur jis jandar ko mar dalna Allah ny haraam kia hai us ko qatal nahi krty magar jaiz tareeq (yani shariyet k hukam) sy aur badkari nahi krty aur jo yh kaam kery sakht gunaah mai mubtala hoga. Qayamat k din us ko dugna azaab hoga aur zillet-o-khuwari sy hamesha is mai rahy ga mager jis ny touba ki aur emaan laya aur achay kaam kiye to aisy logo k gunaho ko Allah nekiyu sy badal dy ga aur bilashuba Allah ta'ala to bakhshny wala nahayat maherban hai.
"aur woh jo Allah k sath kisi aur ma'abod ko nahi pukarty aur jis jandar ko mar dalna Allah ny haraam kia hai us ko qatal nahi krty magar jaiz tareeq (yani shariyet k hukam) sy aur badkari nahi krty aur jo yh kaam kery sakht gunaah mai mubtala hoga. Qayamat k din us ko dugna azaab hoga aur zillet-o-khuwari sy hamesha is mai rahy ga mager jis ny touba ki aur emaan laya aur achay kaam kiye to aisy logo k gunaho ko Allah nekiyu sy badal dy ga aur bilashuba Allah ta'ala to bakhshny wala nahayat maherban hai."
Al-Furqan 25: 68-70.
Allah ta'ala ny humen yh btaya hai k woh aisy logo ki sachi touba' emaan aur amal saleh ki waja sy in k gunaho ko nekiyu mai tabdeel kr deta hai. is gunaah ko yad krny ki wja sy jis ki taraf app ny isharah kia' is sy touba krny aur phir is k bad amaal saliha ' emaan' tasdeeq aur Allah ta'ala k sawab k hasool k shoq ki waja sy Allah ta'ala ap k gunaah ko neki sy badal dy ga. ussi tarha woh tamam gunaah jin sy bandah touba kr laita hai aur phir emaan aur amal saleh ka muzahirah krta hai to Allah ta'ala apny fazal-o-ehsaan sy inhen nekiyu mai tabdeel farma deta hai.
Sheikh Ibn Baz



Tags : touba, repentance, qaboliyet, acceptance, darr, afraid
 
 

This question is on 168 page in Fatawa Islamiyah book.


Book Publisher Saudi Arab

http://www.dar-us-salam.com/
POBOX: 11416 Saudi Arab
Phone: 0096614043432
Email: riyadh@dar-us-salam.com
Book Publisher Pakistan

http://www.darussalampk.com/
36 Lower Mall, Lahore
Phone: 00924237324034 Email:info@darussalampk.com