Touba aur Naik Logon ki Sohbat


Question :
mai 21 bars ka aik nojawan hoon. 4 saal pehly kuch deendar nojawano sy mera ta'aruf hota to in k hath pr Allah ta'ala ny mujhy bhi hadayat ata farma di' walhumdulillah! taqriban derh saal tak mera in sy bhai charah raha aur is doran mai islami ikhlaq hamedah sy arasta hogya. lekin is doran mai mujhy ahel-e-khana aur rishtadaro ki taraf sy mazak aur ta'an-o-tashne'e ka nishana banna para' tahum mai ny un sab bato ko bardasht kr lia mager kuch arsa bad mai ny un saleh nojawano ko chor dia aur apni sabqa halat ki taraf palat aya. haqoq ul Allah k ada krny mai susti shoru kr di aur bury kaam krny bhi shoru kr diye lekin in kabair k irtekab krny aur in deeni bhaiyu sy ta'aluqaat mubqata'a krny ki waja sy mujhy be had hasrat-o-nidamat hai lehaza barah-e-karam rehnumai farmayen k mai in halaat sy nikalny k liye kia rasta ikhteyar karon naiz kuch kitabo ki bhi rehnumai farmayen' jin ka mutala'a mery liye mufeed sabit ho saky?

Answer :
app k liye wajib hai k Allah subhan-o-ta'ala k hazoor mai touba karen aur touba ki haqiqat yh hai k sabqa gunaho pr nidamat ka izhar karen' in ko tark kr den' in sy ijtanab karen aur Allah subhan-o-ta'ala k khuf aur us k sawab k hasool k shouk mai yh azam sumeem karen k aindah in gunaho ka irtekab nahi karen gay.
kasrat k sath astagfar aur amaal saliha baja layen' Allah ta'ala ny app pr jin kamo ko wajib thehraya hai' unhen baja layen aur jinhen haraam qarar dia hai' unhen tark kr den' touba ki takmeel k liye yh bhi zarori hai k ager kisi ki koi chez gasab ki hai to ussy wapis loutayen aur ager kisi ka koi haq app pr lazim hai to ussy ada karen. touba k bary mai irshas bari ta'ala hai:
aur Aye Momino! tum sab Allah ki bargaah mai touba karo ta k falaah pao.
"aur Aye Momino! tum sab Allah ki bargaah mai touba karo ta k falaah pao."
An-Nur 24 :31.
naiz farmaya:
Momino! Allah ki bargaah mai saaf dil sy touba karo' umeed hai k woh tumhary gunaah tum sy dur kr dy ga aur tum ko baag hai behshat mai' jin k neechay nehren beh rahi hain' dakhil kr dy ga.
"Momino! Allah ki bargaah mai saaf dil sy touba karo' umeed hai k woh tumhary gunaah tum sy dur kr dy ga aur tum ko baag hai behshat mai' jin k neechay nehren beh rahi hain' dakhil kr dy ga."
At-Tahrim 66: 8.
Aur Nabi S.A.W ny farmaya hai:
ager kisi ny apny bhai ki ezzat ya koi aur chez zulm sy cheeni hai' to woh is sy aaj maaf karwa lay' qabal us k jab us k pass deenar ya darhum na hoga. ager us k pass amal saleh howa to woh is k zulm k brabar us sy lay kr mazlom ko dy dia jaye ga aur ager us k pass nekiyaan na hoween to mazlom k gunaah us par lad diye jayen gay.
"ager kisi ny apny bhai ki ezzat ya koi aur chez zulm sy cheeni hai' to woh is sy aaj maaf karwa lay' qabal us k jab us k pass deenar ya darhum na hoga. ager us k pass amal saleh howa to woh is k zulm k brabar us sy lay kr mazlom ko dy dia jaye ga aur ager us k pass nekiyaan na hoween to mazlom k gunaah us par lad diye jayen gay."
Al-Bukhari no. 2449.
is mafhom ki aur bhi bohat si ayaat-o-ahadis hain. hum apko yh wasiyet krty hain k naik logo ki sohbat ko ikhteyar karo aur bury logo ki sohbat sy ijtanab karo. Quran majeed ki kasrat sy tilawat karo ' khub gour-o-fikar aur tadabbur k sath tilawat karo aur is k mutabiq amal karo' sab sy ashraf' sab sy azeem aur sab sy ziadah sachi Allah ki kitab hai k is pr jhot ka dakhal na aagy sy ho sakta hai aur na peechay sy aur dana aur khubiyu waly Allah ki utari howi hai' dilo aur moashro ki bimariyu k elaaj k liye yh sab nafay aur akmal kitab hai jaisa k Allah ta'ala ny farmaya hai:
yh Quran woh rasta dikhata hai jo sab sy sidha hai.
"yh Quran woh rasta dikhata hai jo sab sy sidha hai."
Al-Isra' 17: 9.
Aur farmaya hai:
Aye logo! tumhary pass tumhary RAb ki taraf sy nasihet aur dilo ki bimariyu ki shafa aur momino k liye hadayat aur rehmat aa pohanchi hai.
"Aye logo! tumhary pass tumhary RAb ki taraf sy nasihet aur dilo ki bimariyu ki shafa aur momino k liye hadayat aur rehmat aa pohanchi hai."
Yunus 10 :57.
aur farmaya:
(yh) kitab jo hum ny tum pr nazil ki hai' ba barkat hai ta k log is ki ayato mai gour karen aur ta k ahel-e-aqal nasihet pakren.
"(yh) kitab jo hum ny tum pr nazil ki hai' ba barkat hai ta k log is ki ayato mai gour karen aur ta k ahel-e-aqal nasihet pakren."
Sad 38 :29.
mai app ko yh bhi wasiyet krta hoon k ahel-e-sunnat ki kitabo ka muta'ala karen maslan shaikh Mohammad bin Abdul Wahab R.A.A. ki kitab "Al Tuheed" sheikh ul Islam ibn temia R.A.A. ki "Aqeedah Wastiya" Ilama ibn Qaim ki "Egasat ul lehfan" imam nowi R.A.A. ki " Al arbaiyen" aur hafiz ibn rajab R.A.A. ki taraf sy is ka tatma' sheikh abdul ghani abdul wahid muqaddasi ki "umdah al aihkam " aur hafiz ibn hijjar R.A.A ki " balog al maram" ka zaror muta'ala farmayen. matwasat' sanvi aur university k talba k liye yh kitaben bohat ziadah mufeed hain. phir is k bad kutab sata khas tur pr "sahiheen" ka muta'ala kia jaye aur aqeedah' hadis aur fiqqah sy muta'aliq ahel-e-sunnat ki deegar kitabo ko bhi parha jaye.
Allah ap ko haq pr sabit qadam rakhay' ilm nafay aur amal saleh ki tufeeq ata farmaye. innahu kheron masoul.
Sheikh  Ibn Baz



Tags : touba, repentance, naik logo, righteous people, sohbat, accompany
 
 

This question is on 166 page in Fatawa Islamiyah book.


Book Publisher Saudi Arab

http://www.dar-us-salam.com/
POBOX: 11416 Saudi Arab
Phone: 0096614043432
Email: riyadh@dar-us-salam.com
Book Publisher Pakistan

http://www.darussalampk.com/
36 Lower Mall, Lahore
Phone: 00924237324034 Email:info@darussalampk.com