Khalis Niyet k Sath Astagfar


Question :
kia yh bat sahi hai k hr woh shakhs ho "ASTAGFIRULLAH" kahy' to us k gunaah maaf hojaty hain?

Answer :
jab koi insan khalis niyet k sath "ASTAGFIRULLAH" kahy'talab magfirat mai sadiq ho aur touba ki sharto ko pura krty to Allah ta'ala us ki touba qabool farma lay ga balky us k us amal ko pasand bhi kery ga jaisa k irshad bari ta'ala hai:
kuch shak nahi k Allah touba krny walo aur pak saaf rehny walo ko dost rekhta hai.
"kuch shak nahi k Allah touba krny walo aur pak saaf rehny walo ko dost rekhta hai."
Al-Baqarah 2: 222.
Nabi S.A.W ny farmaya hai k Allah ta'ala apny bandy ki touba sy is tarha khush hota hai' jis tarha us insan ko khushi hoti hai' jissy apni woh gumshudah ontani mil gai ho jis pr is ka khany piny ka samaan bhi tha' us ny gumshudgi k bad ussy bohat talash kia magar woh na mili lehaza woh zindagi sy mayus ho kr mout k intezar mai aik darakht k neechay lait gya mager jab ankh khuli to kia dekhta hai k us ki ontani ki muhar darakht k sath bandhi howi hai woh apni ontani ki muhar ko pakar laita hai aur kehta hai k "Aye Allah ! to mera bandah aur mai tera Rab hoon" khushi ki shidat ki waja sy us sy yh galti howi.1
1 sahi albukhari' aldawaat' baab altouba' hadis: 5309' wa sahi muslim' altouba' baab filhaz aalittuba wal farah biha' Hadis: 2747 wallafaz laho.
is tarha ki khushi ka sahi andazah sirf ussy hi ho sakta hai jo kabhi is tarha ki musibet mai giraftar howa ho.
Allah ta'ala is baat ko be had pasand farmata hai k is ka bandah us k hazoor touba-o-astagfar kry. us ny apni kitab ki kai ayaat mai astagfar ka hukam dia hai. astagfar k maini hain magfirat aur bakhshish talab krna. magfirat k maini hain gunaho pr perdah daal dena aur un sy derguzar krna Qk yh lafaz "migfar" sy makhuz hai aur "migfar" us khaud ko kehty hain jis sy insan apny sar ko dhanmp laita hai ta k jung mai apny sar ko teero sy mehfoz rakh saky' us sy sar ko chupaya bhi jata hai aur teero sy bachaya bhi jata hai' issi tarha magfirat sy bhi gunaho ko chupaya jata aur un ki sazaoun sy apny apko bachaya jata hai.
Sheikh Ibn Usaymeen



Tags : khalis niyet, sincerely, astaghfirullah, forgiveness, gunaah, sin
 
 

This question is on 166 page in Fatawa Islamiyah book.


Book Publisher Saudi Arab

http://www.dar-us-salam.com/
POBOX: 11416 Saudi Arab
Phone: 0096614043432
Email: riyadh@dar-us-salam.com
Book Publisher Pakistan

http://www.darussalampk.com/
36 Lower Mall, Lahore
Phone: 00924237324034 Email:info@darussalampk.com