Hadis Namaz Tasbih


Question :
kia namaz tasbih Rasool Allah S.A.W sy sabit hai ya yeh bidat aur najaiz hai? kia is k bary mai ahaadis hain?

Answer :
namaz tasbih k bary mai aik bohat hi zaeef hadis warid hai' jissy mu'utabir oulama mai sy kisi aik ny bhi sahi qarar nahi dia. aima sulasa k haan bhi yh namaz ma'arof nahi hai aur na unhuny us k bary mai koi (sahi hadis) suni hai. is sy maloom howa k is k bary mai yh hadis nahi hai lehaza us k mutabiq amal nahi hona chaheye.
sheikh ibn jibreen hifza Allah ka yh fatwa mahel nazar hai. Qk namaz tasbih ki fazilat hassan derjay ki ravayat sy sabit hai. Nabi S.A.W ny apny chacha Hazrat Abbas R.A. ko is k parhnay ki bari takeed farmai hai. namaz tasbih ki babut syedna ibn abbas R.A. sy 3 sanado sy ravayat marvi hai' mager teeno sanado mai sy sab sy achi sanad akarma wali hai. is hadis ko Abu Dawud ny (hadis 12 9 7) mai' ibn majah ny (hadis : 12 16) mai' imam bukhari 'R.A.A. ny juz al qarat (hadis: 245) mai akarma ki sanad sy ibn abbas R.A. sy ravayat kia hai. is hadis k muta'adid shawahid bhi hain' chanachey hafiz ibn hijjar R.A. farmaty hain k mujhy 10 sahaba sy us k mosool tarq aur muta'adid ta'abiyen sy marsal tarq mily hain.
us k bad un tarq ki taraf isharah krny k bad likhty hain. haq yh hai k yh kasrat tarq ki bina pr hussan derjay ki hai. naiz muhqiq asar elama nasir ud din al bani R.A.A. aur muhqiq asar al sheikh zubair ali zai ny bhi ussy shuwahid ki bina pr hussan qarar dia hai. tafseel k liye mulakhata ho: ARABIc : 3/1780'1782-
Lehaza us hadis ko sheikh ibn jibreen hifza Allah k sahev ya adam ilm ki waja sy zaeef qarar nahi dia ja sakta aur na sheikh mosoof k is fatway pr amal hi kia ja sakta hai balky us k bilkul bar akas us hadis pr amal krna mustahab' masnon aur majur amal hoga. In Sha Allah albatta yh zaror yad rahy k hamary haan namaz tasbih ki babut jo afraat-o-tafreet logo mai paya jata hai woh qatan gair sharai balky aik badi'i amal hai yani us namaz tasbih ka bajamat aihtamam krna' ishtaharaat aur elanaat k zariye sy us ki tashheer krna aur logo ko is ki adaigi ki khasosi dawat dena' phir nisaf shab k wqt ya us k qareeb qareeb masjid ki battiyaan wagairah bujha kr bajamat "pur takalluf khashu aur riqqat" apny opar taari krna aur buland awaaz sy gir girana' bilkhasos RAmzan ul Mubarak k akhri ashraah ki anmool raten aur qeemti din is tarha k khud sakhta tariko mai zaya krna yh sab kuch gair sharai aur man gharat andaaz ebadat hai lehaza in tamam kharafaat sy bachty huway' infaradi tur pr saal bhar k tamam shab-o-roz mai jb bhi Allah ta'ala tufeeq den is ahem tareen nafli aur mustahab ebadat ko baja laya jaye aur jis had tak mumkin ho is ko saal bhar jari rakha jaye Qk hadis shareef sy yahi bat rajeh maloom hoti hai. WAllah AAlam bilsawab.
Sheikh Ibn Jibreen



Tags : salat at tasbih, namaz tasbih, sabit hona, established practice, bidat aur najaiz, innovation and prohibited
 
 

This question is on 154 page in Fatawa Islamiyah book.


Book Publisher Saudi Arab

http://www.dar-us-salam.com/
POBOX: 11416 Saudi Arab
Phone: 0096614043432
Email: riyadh@dar-us-salam.com
Book Publisher Pakistan

http://www.darussalampk.com/
36 Lower Mall, Lahore
Phone: 00924237324034 Email:info@darussalampk.com