Tarik Namaz ki Saza---- Aik Jhoti Ravayat


Question :
tarik namaz ki saza k bary mai jhoti ravayat ki babut app ki kia rai hai?

Answer :
"Tarik namaz ki saza" k unwan sy mujhy aik pumpfalate k bary mai ilm howa hai' jis mai yh likha hai k "Nabi S.A.W sy ravayat hai k jis ny namaz mai susti ki to Allah ta'ala issy 15 sazayen dy ga" phir in 15 sazaoun ko ziker krny k bad akhir mai likha hai' umeed hai k jo shakhs bhi is pumpfalate ko parhay ga woh ussy likh kr deegar tamam musalmano mai bhi phelaye ga. phir likha hai k " naik kaam ki ibtada krny waly k liye kher hai" is tarha mujhy aik aur pumpfalate k bary mai bhi ilm howa hai jissy Quran majeed ki 3 ayaat k sath shoru kia gya hai' jin mai sy pehli ayat yh hai:
balky Allah hi ki ebadat karo aur shukarguzaro mai sy ho jau.
"balky Allah hi ki ebadat karo aur shukarguzaro mai sy ho jau."
aur phir likha hai k yh 3 ayaaat 4 dino k bad kher-o-bhalai lany ka zariya banti hain. lehaza is k 25 nuskhay likh kr in logo ko irsaal kiye jayen' jin ko is ki zarorat ho aur jo log aisa na karen gay in ko mukhtalif sazaoun ka samna krna pary ga.
yh donu pumpfalate chunky batil aur munkir amoor pr mushtamil hain' isliye mai ny munasib samjha k in k bary mai matla'a kr don ta k woh log faraib khurdah na houn jo shariyet mutehrah k aihkaam sy nawaqif hain' faqoul wa billahh al tufeeq.
is mai koi shak nahi k yh tarika amoor bidat mai sy hai aur Allah ta'ala ki taraf ilm k bagair bat mansob krna hai aur Allah ta'ala ny apni kitab aziz mai biyaan farmaya hai k yh bohat bara gunaah hai' irshad bari ta'ala hai:
keh du k mery perverdigar ny to behiyai ki baton ko' (khuwah) zahir houn ya poshidah' haraam kia hai aur is ko bhi k tum kisi ko Allah ka shareek banao jis ki us ny koi sanad nazil nahi ki aur is ko bhi k Allah k bary mai aisi baten kaho jin ka tumhen kuch ilm nahi.
"keh du k mery perverdigar ny to behiyai ki baton ko' (khuwah) zahir houn ya poshidah' haraam kia hai aur is ko bhi k tum kisi ko Allah ka shareek banao jis ki us ny koi sanad nazil nahi ki aur is ko bhi k Allah k bary mai aisi baten kaho jin ka tumhen kuch ilm nahi."
lehaza is bandy ko Allah ta'ala sy darna chaheye' jo is munkir tarikay ko ikhteyar krta hai aur Allah ta'ala aur is k Rasool ki taraf kisi aisi bat ko mansob krta hai' jo inhuny irshad hi nahi farmai. sazaon ki tehdid aur amaal ki jaza ki taiyyen ka ta'aluq to ilm gaib sy hai aur koi shakhs bhi issy jan nahi sakta siwaye is k k Rasool Allah S.A.W ny badtareeq wohi is ki etla'a di ho aur in kitabchu mai jo kuch biyaan kia gya hai' kitab-o-sunnat mai in k bary mai kuch bhi warid nahi hai.
is kitabchay k likhny waly ny Rasool Allah S.A.W ki taraf tarik namaz k bary mai jo yh bat mansob ki hai k issy 15 sazayen di jati hain' yh aik batil aur jhoti ravayat hai' jaisa k huffaz hadis' maslan Elama Zuhbi R.A.A. ny "Mizan" mai aur Hafiz Ibn hijjer R.A.A. ny biyaan farmaya hai.
Huffaz ibn Hijjer R.A.A. ny apni kitab "Lisaan Al Mizan" mai Mohammad bin Ali bin Abbas bugdadi atar k halaat mai likha hai k us ny tarik namaz k bary mai aik batil hadis Abu Bakr bin Ziyad Neesa Ouri ki taraf mansob ki hai' jissy us sy Mohammad bin Ali Mawazini Sheikh Nursi ny ravayat kia hai. Mohammad bin Ali ny yh gumaan kia hai k ibn ziyad ny ussy rabe'e sy' us ny Imam shafi'i sy unhuny Imam malik sy unhuny SUMMAEE sy unhuny Abu Saleh sy aur unhuny Abu Hurerah R.A. sy marfoan ravayat kia hai:
jis ny namaz mai susti ki ' Allah ta'ala ussy 15 sazayen dy ga.
"jis ny namaz mai susti ki ' Allah ta'ala ussy 15 sazayen dy ga....."
yh hadis bilkul batil aur sofiya ki waza'a krdah ahaadis mai sy hai. bahos almia wa ifta ki fatwa committee ny us hadis k batil hony ka aik fatwa 10/6/1401 hijri ko bhi jari kia tha lehaza aik aqil shakhs kis tarha yh pasand kr sakta hai k woh kisi mozo hadis ko rivaj dy jab k Rasool Allah S.A.W ki sahi hadis sy yh sabit hai k app ny farmaya:
jo shakhs mujh sy koi aisi hadis biyan kery jis k bary mai woh yh samjhta hai k woh jhoti hai to woh bhi jhoto mai sy aik hai.
"jo shakhs mujh sy koi aisi hadis biyan kery jis k bary mai woh yh samjhta hai k woh jhoti hai to woh bhi jhoto mai sy aik hai."
jhoti hadis biyaan krny ki zarorat bhi akhir kia hai jab k namaz ki ahmiyet aur is k tarik ki saza k bary mai Allah ta'ala aur us k Rasool sy jo sabit hai' woh kafi aur shafi hai. irshad bari ta'ala hai:
beshak namaz ka momino pr oqaat (muqararah) mai ada krna farz hai.
"beshak namaz ka momino pr oqaat (muqararah) mai ada krna farz hai."
Allah ta'ala ny jahanamiyu ka ziker kerty huway farmaya hai:
Tum Dozakh mein kyun paray? Wo jawab dein ge k hum Namaz Nahi parhtay thay.
"Tum Dozakh mein kyun paray? Wo jawab dein ge k hum Namaz Nahi parhtay thay.
In Ayaat se maloom hua k Jahanamiyon aik nishani tark-e-Namaz bhi hai. Isi tarha Allah Taala ne farmaya hai:

"to aisy namaziyu ki kharabi hai' jo namaz sy ghafil rehty hain' jo riyakari kerty hain aur baratny ki chezen aaritan nahi dety."
Issi tarha Nabi S.A.W ny farmaya hai:
islaam ki amarat 5 bato pr estawar ki gai hai (1) is bat ki gawhi dena k Allah k siwa koi ma'abod nahi aur HAzrat Mohammad S.A.W Allah k Rasool hain. (2) namaz qaim krna (3) zakat ada krna (4) Hajj krna (5) Ramzan k rozay rakhna.
"islaam ki amarat 5 bato pr estawar ki gai hai (1) is bat ki gawhi dena k Allah k siwa koi ma'abod nahi aur HAzrat Mohammad S.A.W Allah k Rasool hain. (2) namaz qaim krna (3) zakat ada krna (4) Hajj krna (5) Ramzan k rozay rakhna."
Naiz App ny yh bhi farmaya hai:
hamary aur in k mabain jo ahed hai woh namaz hai' jo issy tark kr dy woh kafir hai.
"hamary aur in k mabain jo ahed hai woh namaz hai' jo issy tark kr dy woh kafir hai."
is mazmon ki aur bhi bohat si ayaat-o-ahaadis hain jo k mashhur-o-ma'arof hain. dosrat kitabcha jissay kuch ayaat sy shoru kia gya hai jin mai sy pehli ayat yh hai:
balky Allah hi ki ebadat karo aur shukarguzaro mai sy ho jao.
"balky Allah hi ki ebadat karo aur shukarguzaro mai sy ho jao."
ussy likhny waly ny ziker kia hai k jo issy taqseem kery ga issy yh ajar-o-sawab hasil hoga aur jo us ki taraf tawajja na kery ga to ussy yh azaab hoga' to yh bhi aik behad-o-hisaab batil aur bohat bara jhot hai. is ka ta'aluq bhi un jahilon aur bidaton k amaal mai sy hai' jo aamat ul muslimeen ko hakayat' kharafat aur batil aqwaal kr k is wazeh aur bain haq sy dur krna chahty hain' jo kitab Allah aur sunnat Rasool Allah ny paish kia hai k logo ko jo bhi kher-o-shar ka samna krna parta hai woh Allah subhan-o-ta'ala hi ki taraf sy hai aur hr kher-o-shar ko sirf aur sirf wohi janta hai ' irshad bari ta'ala hai :
keh dijeye ! jo log asmano aur zameeno mai hain' Allah k siwa gaib ki baten nahi janty.
"keh dijeye ! jo log asmano aur zameeno mai hain' Allah k siwa gaib ki baten nahi janty."
Rasool Allah S.A.W sy qatan yh sabit nahi hai k jis ny 3 ya is sy ziadah ayaat likhen to ussy yh sawab milyga aur jo ussy tark kery to ussy yh gunaah milega' lehaza is tarha ka da'waa krna kazab aur buhtan hai' jissy yh ilm ho jaye us k liye yh jaiz nahi k woh in kitabchu ko likhay ya taqseem kery ya kisi bhi tarha in ki terveej-o-esha'at mai hissa lay. ager koi shakhs pehly is tarha ka kaam kr chuka ho to ussy Allah subhan-o-ta'ala ki baargaah mai touba krni chaheye' apny fail pr nidamat ka izhar krna chaheye aur yh azam krna chaheye k aindah woh is tarha qatan nahi kery ga. Allah subhan-o-ta'ala hi sy yh dua hai k woh hum sab ko haq ko haq samjhny aur us ki itba'a krny ki tufeeq ata farmaye aur batil ko batil samjhny aur is sy ijtanab krny ki tufeeq ata farmaye aur hum sab ko zahiri-o-batini fitno sy mehfoz rakhy.
Darood-e-pak.
Sheikh Abdul Aziz bin Abdul Allah bin Baz



Tags : jhoti ravayat, fabricated hadith, tarik namaz, abandoning the prayer, saza, punishment
 
 

This question is on 151 page in Fatawa Islamiyah book.


Book Publisher Saudi Arab

http://www.dar-us-salam.com/
POBOX: 11416 Saudi Arab
Phone: 0096614043432
Email: riyadh@dar-us-salam.com
Book Publisher Pakistan

http://www.darussalampk.com/
36 Lower Mall, Lahore
Phone: 00924237324034 Email:info@darussalampk.com