Irshad Bari Taala k Maini


Question :
Irshad bari ta'ala:
aur jab yh log souda bikta ya tamasha hota dekhty hain to is (tijarat) ki taraf bhag jaty hain aur tumhen (khary ka) khara chor jaty hain' keh dijeye! jo cheez Allah k haan hai' woh tamashay aur soudy sy kahiin behtar hai' aur Allah sab sy behtar rizq deny wala hai.
"aur jab yh log souda bikta ya tamasha hota dekhty hain to is (tijarat) ki taraf bhag jaty hain aur tumhen (khary ka) khara chor jaty hain' keh dijeye! jo cheez Allah k haan hai' woh tamashay aur soudy sy kahiin behtar hai' aur Allah sab sy behtar rizq deny wala hai."
Al-Jumu'ah 62: 11.
k kia maini hain?

Answer :
yh ayat karima Hazraat sahaba karaam R.A. ki is khas halat sy muta'aliq nazil howi hai' jab in ki muashi halat mai bohat tangi thi' zindagi bohat mushkil sy guzer rahi thi kyun k khany piny ki cheezo ki farawani na thi aur maal-o-dolat ki be had kami thi. in halaat mai aik din RAsool Allah S.A.W jumaa ka khutba irshad farma rahy thi k shaam sy aik tijarti qafila aa gya. is qafila k sarbarah ki yh adat thi k jab woh aata to daf bajany ka aihtamam krta ta k logo ko ilm ho jaye aur woh is sy aa kr galla kharid lan.
Hazrat Sahaba R.A. ny jab daf ki awaz ko suna to woh masjid sy bahir nikal gaye kyun k woh tangi ki halat mai thy aur khany ki ashiya ki inhen shadid zarorat thi. woh masjid sy bahir nikal gaye ta k khany k liye aur kharid-o-farokht k liye galla kharid saken. Rasool Allah S.A.W is wqt khary khutba irshad farma rahy thy. bara ashkhas k siwa' jin mai Hazrat Abu Bakr wa Umar R.A. bhi thy' baki sab log masjid sy bahir nikal gaye to in k muta'aliq Allah ta'ala ny yh ayat karima nazil farmai:
aur jab yh log souda bikta ya tamasha hota dekhty hain to is (tijarat) ki taraf bhag jaty hain aur tumhen (khary ka) khara chor jaty hain' keh dijeye! jo cheez Allah k haan hai' woh tamashy aur souday sy kahiin behtar hai aur Allah sab sy behtar rizq deny wala hai.
"aur jab yh log souda bikta ya tamasha hota dekhty hain to is (tijarat) ki taraf bhag jaty hain aur tumhen (khary ka) khara chor jaty hain' keh dijeye! jo cheez Allah k haan hai' woh tamashy aur souday sy kahiin behtar hai aur Allah sab sy behtar rizq deny wala hai."
Al-Jumu'ah 62: 11.
yani Allah ta'ala k pass jo rizq aur akhrat mai jo sawab hai woh khel tamashy aur tijarat sy behtar hai. khel tamashy sy yahan murad tijarat k liye aany walo k samny daf bajana hai aur irshad bari ta'ala  "is ki taraf bhag gaye." is sy murad sirf tijarat hai' yh nahi farmaya k  "woh in donu ki taraf bhag gaye." yani khel tamashy aur tijarat ki taraf. yh is bat ki daleel hai k hazraat sahaba karaam R.A. daf k sath khel tamashay k liye masjid sy nahi nikly thy balky woh aik jaiz maqsad yani tijarat k liye niklay thy.  is jumla mai Allah TA'ala ny yh khabar di hai k woh kasrat sy rizq deta hai aur apni kaseer ta'adad makhloq ko rizq deta hai jaisa k irshad bari ta'ala hai:
Allah hi to rizq deny wala zor awar (aur) mazbot hai.
"Allah hi to rizq deny wala zor awar (aur) mazbot hai."
Adh-Dhariyat 51: 68.
aur farmaya:
aur zameen pr koi chalny phirny wala nahi magar is ka rizq Allah k zeemay hai. woh jahan rahta hai ussy bhi janta hai aur jahan sponpa jata hai ussy bhi. yh sub kuch kitab roshan mai (likha howa) hai.
"aur zameen pr koi chalny phirny wala nahi magar is ka rizq Allah k zeemay hai. woh jahan rahta hai ussy bhi janta hai aur jahan sponpa jata hai ussy bhi. yh sub kuch kitab roshan mai (likha howa) hai."
Hud 11: 6.
magar Allah ta'ala apni hikmat hi sy deta hai aur hikmat sy hi rokta hai. woh jis kliye chahta hai rizq ko farakh kr deta hai aur jis k liye chahta hai rizq ko tang kr deta hai' kuch logo ko woh rizq ki farawani aur wusa'at sy nawazta hai ta k woh azmaye k kon shukar ada krta hai aur kon kufraan naimat ki ravish ikhteyar krta hai? yani deny ya na deny mai sirf ussi ki hikmat kaar farma hoti hai. is silsily mai aik qoul yh bhi kaha gya hai k is ayat k nazool k wqt khutba juma namaz k bad hota tha' namaz sy pehly nahi hota tha. wallah aalam-
Shaikh IbnUsaymeen



Tags : irshad bari taala, allah almighty saying, maini, meaning, tamashay, amusement
 
 

This question is on 86 page in Fatawa Islamiyah book.


Book Publisher Saudi Arab

http://www.dar-us-salam.com/
POBOX: 11416 Saudi Arab
Phone: 0096614043432
Email: riyadh@dar-us-salam.com
Book Publisher Pakistan

http://www.darussalampk.com/
36 Lower Mall, Lahore
Phone: 00924237324034 Email:info@darussalampk.com