Mard k liye kamar' pindaliyon aur ranon k balon ka saaf hona

Question :
kia mard k liye yh jaiz hai k woh zair-e-naf aur bagal k balo ki safai k sath sath peth' pindaliyu aur rano wagairah k balo ko bhi saaf ker dy jab k is ka maqsod orto ya kafir Ahel kitab wagairah sy mushabihet na hu?

Answer :
jism k mazkorah bala balo ko saaf kerna jaiz hai k is sy jism ko koi nuqsan nahi pohanchta ba shart yh k orto ya kafiro sy mushabihet ikhteyar kerna maqsod na hu Qk asal jawaz hai aur musalman k liye kisi cheez ko dalee l k bagair haraam qarar daina jaiz nahi aur mazkorah amar ki hurmet ki koi daleel nahi hai' Allah Ta'ala aur is k Rasool Allah  ka is sy sakot farmana is k jawaz ki daleel hai. Rasool Allah  ny humen hukam dia hai k monchen kati jayen' nakhun trashy jayen' baglu aur zair-e-naf balu ki safai ki jaye' mardo k liye App  ny sar mundany ki bhi ejazat di. Namsa aur Mutanamsa
"Imam Abu Dawud farmaty hain k Namsa sy murad woh orat hai jo Abru k baal chun chun ker abro ko bareek ker dy. Imam khtabi farmaty hain k is k maini chehry sy baal chunna hain aur almutanamsa sy murad woh orat hai jis k sath yh amal kia jaye. ""Mukhtasir Al tergeeb wal Terheeb" Hafiz ibn hijer' terjuma Mohammad khalid saif. Suad 397."
pr App ny la'anat farmai aur humen dareeiyu k barhany ka hukam dia hai aur is k elawah baki balo sy sakot farmaya hai aur jis sy Allah Ta'ala aur is ka Rasool  sakot farma len woh qabil muafi hai' issy haram qarar daina jaiz nahi kyun k Abu Salba khashni R.A. sy ravayat hai k Nabi kareem  ny farmaya:

"Allah Ta'ala ny kuch faraiz muqarar kiye hain inhen zaya na karo' kuch hadod muqarar kiye hain in sy tajawuz na karo' kuch cheezo ko haram qarar dia hai in ka irtekab na karo aur kuch cheezo sy is ny bholny ki waja sy nahi balky tum per rehmat k paish nazar sakot farmaya hai in k bary mai kureed na karo."
Ad-Darawutni no. 502 and A; Bayhaqi 10 :12, 13.
Imam Nouvi R.A. k baqoul is hadis ko dar qutni wagairah ny ravayat kia hai. is mzkorah hadis aur is k hum maini ahaadis-o-asaar ki bunyad per ahel-e-ilm ki aik jamat ny yahi kaha hai k ashiya mai asal abahet hai. In ahadis-o-asar mai sy baz ko hafiz ibn rajab R.A. ny apni kitab "Jamia al aloom-o-al hukam" mai hadis abi sulba ki shrah mai biyan farmaya hai' jo inhen maloom kerna chahay' woh is kitab ki tarf rajo kery. (Wallah Alam)
Shaikh ibn Baz