Soodi Karobar kerny waly Baap k Maal sy Shadi kerna


Question :
Alhumdulillah' Allah Ta'ala ny mujhy hadayat sy sarfaraz farma rakha hai aur mai In Sha Allah unqareeb shadi bhi kerna chahta hoon lekin mushkil yh hai k mery walid shaib ' Allah Ta'ala inhen hadayat dy' soodi karobar kerty hain aur woh is shadi mai mery sath maali ta'avun bhi karen gay jis ki waja sy mai bohat preshan hoon k mery ass az khud maher ada kerny ki estetat nahi hai aur ager mai apny walid ki is haraam kamai k ta'avun ko qabool na karon to is k maini yh hain k mai kai saalo tak shadi na kr sakon ga lehaza rehnumai farmayen k mai kia karon?

Answer :
mai chahta hoon k sail aur qareen karam ko pehly aik mufeed qaidah bta don k her woh chez jo kamai ki waja sy haraam qarar di gai hai' woh sirf kamany waly k liye haraam hai aur her woh cheez jo khud haraam hai woh kamany waly k liye bhi aur deegar logo k liye bhi haraam hai maslan ager koi shakhs kisi dosry ka maal ly lay aur woh issy kisi dosry ko be'e ya habba ki sorat mai dena chahay to hum kahen gay k yh haraam hai qk yh maal baina haraam hai.
lekin jo kamai haraam ho maslan yh k woh soud ya dhoky sy ki gai ho to yh sirf kamany waly k liye haraam hai jo issy haq k sath lay lay is k liye yh haraam nahi hai aur is ki daleel yh hai k Nabi Aleh alsalat-o-wasalam yahodiyu ka haddiya aur dawat qabool farma lia kerty thy ' in ka khana (ta'am) tanavul farma lia kerty thy' in sy ashiya bhi kharid lia krty thy aur sabhi janty hain k yahodi soodi len den kerty thy jaisa k Allah Ta'ala ny Quran majeed mai in k bary mai ziker farmaya hai.
is qaidah ki bina per mai sail sy yh kahon ga k apko shadi k liye jis qadar bhi zarorat hai ' apny baap k maal sy lay lo yh app k liye halaal hai' haraam nahi. soodi karobar ka gunaah a k baap ko hoga' mai Allah Subhan-o-Ta'ala sy yh dua krta hoon k woh app k baap ko hadayat' touba aur soodi karobar tark ker deny ki tufeeq ata farmaye' ap k baap ko maloom hona chaheye k Allah Ta'ala ny apni kitab kareem mai farmaya hai:
jo log soud khaty hain woh (qabro sy ) is tarha (hawaz bakhta) uthey gay jaisy kisi ko jin ny lipat kr deewana bana dia ho.
"jo log soud khaty hain woh (qabro sy ) is tarha (hawaz bakhta) uthey gay jaisy kisi ko jin ny lipat kr deewana bana dia ho."
Al-Baqarah 2:275.
is ayat ka kia maini samny ata hai ? mufassireen ny is ayat k maini yh biyaan farmaye hain. bilashuba jo log soud khaty hain yh jab qyamat k din apni qabro sy uthaye jayen gay to is tarha hawaz bakhta uthey gay jis tarha woh shakhs uthta hai jissy shetan ny lipat kr janoon ki waja sy deewana bana dia ho' to is sy andazah farmayen k roz qayamat tamam logo k samny zaleel-o-khuwar kerny k liye in ki yh saza kis qadar sangeen hogi.
baz oulama mutakhreen ny biyaan kia hai k is ayat k maini yh hain k jo log sod khaty hain woh sodi mamla majnonoo ki tarha kerty hain k soud ny in ki aqal aur sochny samjhny ki salahiyet ko khatam kr dia hota hai k her chez sy beniyaz ho ker in ki dilchuspi ka markaz-o-mehver soud hi hota hai. ayat mai chunkey is maini ka bhi aihtamaal hai to dar haqiqat yh maini bhi wohi hai jo pehla maini hai jis per jamhuor oulama aur mufasireen ka ittefaq hai k is bepanaah hirs aur lalach ki waja sy inhen dunia mai bhi yh saza milti hai aur akhrat mai bhi is saza sy 2 char houn gay!
Shaikh Ibn Usaymeen



Tags : soodi karobar, deals in usury, baap ka maal, money of father, shadi, marriage
 
 

This question is on 203 page in Fatawa Islamiyah book.


Book Publisher Saudi Arab

http://www.dar-us-salam.com/
POBOX: 11416 Saudi Arab
Phone: 0096614043432
Email: riyadh@dar-us-salam.com
Book Publisher Pakistan

http://www.darussalampk.com/
36 Lower Mall, Lahore
Phone: 00924237324034 Email:info@darussalampk.com