Shohar ka Apny Ayuub ko Chupana Dhoka hai


Question :
Allah ta'ala ki mashiyet k mai phalbehri k marz mai mubtala hogya lekin Allah ta'ala ny lutf-o-karm yh farmaya k is ka ziadah tar jahur jism k khufiya hisso mai jild per tha' 20 saal ki umer mai is marz mai mubtala howa' elaaj mai bhi koi daqiqa far-o-guzasht na kia lekin is hikmat-o- mslihet ki waja sy jo Allah subhan-o-ta'ala hi ko maloom hai mujhy shafaa hasil na ho saki' is marz k shoru hony k 15 saal bad mai ny mangni ki aur is wqt mery dayen hath per is k 3 nishan numaya thy jab k tamam badan k makhfi hisso per is k nishanaat bohat ziada thy' mangni ki muddat mai jo k 6 maah tak rahi' mai ny is marz k bary mai apni mangaiter aur is k ghar walo ko kuch na btaya ta k woh shadi sy inkar na kr den aur mai ny yh samjha k mery dayen hath k nishanaat jo unhuny mangni k arsa mai dekhy hain' in sy woh yh andazah laga len gay k jism k baki hisso per bhi yh nishanaat ho sakty hain' baherhaal shadi hogai lekin mery ghar muntaqil hony k bad meri bivi ny mery jism per jab is marz k nishanaat dekhy to is ny shadid sarkashi ikhteyar kr li aur kaha k issy is sorat haal sy bekhabar rakh ker mai ny issy dhoka dia hai. mai ny is ki sar kashi ko basaoqaat bohat shiddat ikhetyar kerty huway bhi dekha hai jis ki waja sy mujhy kai bar zad-o-kub sy bhi kaam lena para lekin is k bawajod is ny alaidgi ka mutalba nahi kia. tangi' turshi aur talkhi k sath kai saal mery sath basar kerny k bd is ny in halaat k samny surango kr dia' ab 3 bachy bhi ho chuky hain aur hamari shadi ko 13 saal ho gaye hain lekin mujhy kabhi kabhi bohat shadid nidamat bhi hoti hai k mai ny shadi k liye apni sorat haal ko chupaya' issi nidamat mai mai yh bhi khayal kerny lagta hoon k Aye kash yh mujh sy alaihdgi ka mutalba kr leti ta k mai zalim qarar na pata to sawal yh hai k mai ny apny jism per is marz k jahur ko mangni ki muddat mai jo chupaya to kia is ki waja sy mai zalim hoon? kia is sorat mai meri yh shadi sahi hai? ab mery liye kia wajib hai?

Answer :
Laraib! app ny is marz ko jo chupaya aur is k bary mai kuch na btaya yh mahez dhoka aur faraib hai' app k dayen hath per jo nishan tha is k bary mai humen maloom nahi k yh is qadar wazeh aur zahir tha k marz ki nishandahi kerta tha ya yh is qadar makhfi aur chota tha k marz per dalalat kanaa na tha ya is k bary mai yh shuba ho sakta tha k yh jalny wagiarah ka nishan ho' apko chaheye tha k app us orat aur is k ahel-e-khana ko apni bimari k bary mai wazeh tur per bta dety ' issy chupany aur in sy makhfi rakhny ki wja sy bilashuba app gunaahgar hain lehaza ab app is orat sy mafi talb karen k app ny is sy sorat haal ko chupaya aur mustazad yh k is k aihtajaj per tashaddud kia aur ager woh maaf kr dy to app is ki shiddat-o-qasout ko maf ker den kyun k maf ker deny mai bohat kher-o-bhalai hai jaisa k Irshad bari ta'ala hai:
phir jo shakhs dar guzer kery aur (mamly ko) darust ker dy to is ka badla Allah k zeemay hai.
"phir jo shakhs dar guzer kery aur (mamly ko) darust ker dy to is ka badla Allah k zeemay hai."
Ash-Shurah 42:40.
Naiz Allah Ta'ala ny ahel-e-jannat k osaaf ka tazkarah kerty huway farmaya hai:
aur woh jo logo k qasoor maaf kr deny waly hain.
"aur woh jo logo k qasoor maaf kr deny waly hain."
Aal-Imran 3:134.
Islaah k sath maaf kr dena sarapa kher hai aur is ka sawab bhi bohat hai lehaza apko meri yh nasihet hai k apni bivi sy maafi talb karen aur issy bhi meri yh nasihet hai k woh apko maf kr dy kyunk woh app k bachu ki maa aur apki shareek-e-hayaat hai. hum Allah ta'ala sy dua kerty hain k woh hum sab ki touba qabool farmaye.
Shaikh ibn Usaymeen



Tags : shohar, husband, ayuub chupana, covering defects, dhoka hai, deception
 
 

This question is on 181 page in Fatawa Islamiyah book.


Book Publisher Saudi Arab

http://www.dar-us-salam.com/
POBOX: 11416 Saudi Arab
Phone: 0096614043432
Email: riyadh@dar-us-salam.com
Book Publisher Pakistan

http://www.darussalampk.com/
36 Lower Mall, Lahore
Phone: 00924237324034 Email:info@darussalampk.com