Rasool Allah (S.A.W) aur tadad Azwaj


Question :
Rasool Allah S.A.W ki mutadid orton sy shadi kerny mai kia hikmat thi?

Answer :
Allah Ta'ala hi ki hikmat balga hai' is ny apni hikmat k tahet sabqa shariyato mai bhi aur hamary Nabi kareem Hazrat Mohammad  ki shariyet mai bhi mardo ko yh ejazat di hai k woh aik sy ziada orton sy shadi ker sakty hain. Ta'adid azwaj Nabi S.A.W hi ka khasa na tha. Hazrat Ya'aqub A.S. ki do biviya thin. Hazrat Suleman bin dawud R.A. ki 99 biviyaa theen. aik bar is umeed sy app aik rat maiin sab k pass gaye k in mai sy her aik aik bachay ko janam di gi jo bary hu ker Allah ka rasta mai jihad karen gay.
Ta'adid azwaaj shariyet mai koi nae bat hai na yh aqal-o-fitrat k taqaza k khilaf hai balk yh ain hikmat-o-maslihat k taqaza k mutabiq hai. adad-o-shumar sy sabit hai k orton ki ta'adad mardo sy ziada hoti hai aur basa oqaat mard mai is qadr quwat-o-taqat hoti hai' jis ka taqaza yh hota hai k woh aik sy ziadah orton sy shadi kery ta k woh haraam k bajaye halaal tariky sy apni khuwaish nafs ko pura ker saky. basa oqaat orat ko haiz-o-nafas jaisy amraz ka samna bhi kerna parta hai jis ki waja sy mard apni jinsi khuwaish ki takmeel nahi ker sakta ab 2 hi soraten baki hoti hain ya to is k pass dosri bivi hu ya woh haraam kaari ka irtakab kery' shriyet is sorat mai ta'adad azwaj hi ki hamayet ker sakti hai to ta'adud azwaj jab aqali' fitri aur sharai tour per jaiz hai' sabqa anmbiya karaam ka amal bhi is k mutabiq hai aur kabhi is ki shadid zarorat-o-hajat bhi paish aajati hai to phir is mai ta'ajub ki kon si bat hai ager hamary Nabi Hazrat Mohammad S.A.W ny aik sy ziada shadiyan ki hain!
Aan Hazrat S.A.W ki in ta'adud azwaj k bary mai oulama ny aur bhi kai hikmaten aur maslihaten biyan farmai hain' jin mai sy aik yh hai k App S.A.W is tarha apny aur baz qabail k dermiyan ta'aluqat ko mazbot-o-mustahkam kerna chahty thy ta k in mazbot rawabit ki waja sy islam ko taqviyet hasil hu' is sy islam ki nashar-o-esha'at mai madad mily Qk rishta musahret sy akhuwet' mohabbat aur ulfat k jazbat mai izafa hota hai. dosri maslihet yh hai k App  baz bewah khawateen ko sahara aur is k foot shudah shuharo ka naim-ul-badal muhaiya kerna chahty thy ta k in ki dil joi ki ja saky aur in k masaib ko kam kia ja saky' is tarha App S.A.W ny ummat k liye yh sunnat qaim ki k woh in khawateen sy aihsan ka salook kerty huway inhen apny habala uqad mai ley len jin k shohar jihad kerty huway shaheed hu gaye houn. teesri maslihet nasal insani mai izafa aur ummat ki ta'adad ko barhana maqsood tha ta k aany wali nasal deen ki nusrat aur nashar-o-isha'at k percham ko tham saky.
Nabi (S.A.W) k ta'adud azwaj k pas perdah mahez jazba shehwat karfarma na tha' iski aik bohat bari daleel yh bhi hai k App S.A.W ny Aisha R.A. k siwa kisi bhi dosri kanwari ya choti umer ki khaton sy shadi nahi ki bal k deegar tamam azwaj matehrat shoher deedah theen' ager ta'adud azwaj sy App S.A.W ka maqsood mahez jinsi jazba ki taskin hota to app yaqinan kanwanri khawateen sy shadiyan farmaty khasosan hijrat k bad jab k App S.A.W ko bohat si fatohaat hasil hugae theen' islami riyasat qaim hu gae thi' musalmano ki tadad mai bohat izafa aur inhen bohat shoket-o-quwat hasil hu gai thi aur her qabila App S.A.W sy rishta musahret ka khuwaish mand bhi tha aur woh chahta tha k App S.A.W is mai zaror shadi karen lekin App S.A.W ny aisa na kia balky App S.A.W ny buland tareen maqasid aur a'ala tareen agraz k paish-e-nazar shadiyan keen jaisa k Azwaj mutehrat mai sy aik aik k halaat k mutala sy maloom hota hai. naiz ager App S.A.W ka maqsad mahez jinsi jazba ki taskeen hota to App S.A.W yh shadiyan shabab (jawani) -o- quwat k dour mai kerty halaank is dour mai App S.A.W k pass aik hi zoja karima yani Khadija bint khuwild theen jo App (S.A.W) sy umer mai bhi bari theen aur ager yh bat hoti to App S.A.W Azwaj mutehrat sy adal-o-insaf ka mamla bhi na farmaty Qk woh Hussan-o-Jamal k aitbar sy aik dosri sy mukhtalif theen lekin App S.A.W ki seerat mutehrah sy jo bat maloom hoti hai' woh azwaj muteharat k mabain kamal derjay ka adal-o-insaf hai jo App S.A.W k kamal effat' amanat' ahed shabab-o-kibr san her haal mai kamal hifazat-o-siyant' pak damni aur bulandi ikhlaq per dalalat kanah hai aur is bat ka bain saboot k App S.A.W ny tamam halaat mai had derja estaqamat ka saboot dia jis k App S.A.W k dushman bhi qail thy.
Fatwa Committee



Tags : shadi, marriage, hikmat, wisdom, bivi, wife
 
 

This question is on 197 page in Fatawa Islamiyah book.


Book Publisher Saudi Arab

http://www.dar-us-salam.com/
POBOX: 11416 Saudi Arab
Phone: 0096614043432
Email: riyadh@dar-us-salam.com
Book Publisher Pakistan

http://www.darussalampk.com/
36 Lower Mall, Lahore
Phone: 00924237324034 Email:info@darussalampk.com