Cigarettes (tumbako) ki Be'e


Question :
tumbako peeny aur bechny k bary mai kia hukam hai?

Answer :
Tumbako peena bhi haraam aur is ki kharid-o-farokht kerna aur tumbako-o-cigarettes bechny walo ko apni dukanen karaya per dena bhi haraam hai kyun k yh gunaah aur sarkashi k kamo mai ta'aun hai aur is ki hurmat ki daleel hasb-e-zail irshad Bari Ta'ala hai:
aur be aqlo ko in ka maal' jissy Allah ny tum logo k liye sabab ma'ashiyet banaya hai mat do.
"aur be aqlo ko in ka maal' jissy Allah ny tum logo k liye sabab ma'ashiyet banaya hai mat do."
An-Nisa 4:5.
is ayat sy estadlal yh hai k Allah Ta'ala ny humen is bat sy mana'a farmaya hai k hum be aqlo ko maal den kyun k be aqal is mai aisa tasarruf kery ga jis mai faidah na ho aur Allah Ta'ala ny is muqam per yh bhi biyan farmaya hai k yh maal deeni-o-dunvi maslihato k hasol ka zariya aur lgo k liye sabab ma'ashiyet hai aur is maal ko tumbako aur cigarettes  mai kherch ker deny mai na deen ka faidah hai aur na dunia ka' lehaza is mai kherch kerna is maqsad k munafi hai jis k liye Allah Ta'ala ny issy peda farmaya hai' is ki hurmat ki aik daleel yh irshad Bari Ta'ala bhi hai:
aur apny apko halak na karo.
"aur apny apko halak na karo."
An-Nisa 4:29.
is ayat karima sy estadlaal yh hai k tub aur medical science ny yh sabit ker dia hai k tumbako aur cigarettes noshi aisi muhlik bimariyu ka sabab banta hai jo insan ko mout k mou mai gira deti hain maslan cancer ka aik bara sabab bhi huqqa aur cigarettes noshi hai to tumbako noshi kerny wala aik aisi chez ko istemal kerta hai jo halakat ka sabab hai is k haraam hony ki aik aur daleel hasb-e-zail irshad Bari Ta'ala bhi hai:
aur khao aur piyo aru be ja na urao kyun k Allah be ja urany walo k dost nahi rakhta.
"aur khao aur piyo aru be ja na urao kyun k Allah be ja urany walo k dost nahi rakhta."
Al-A'raf 7:31.
is ayat karima sy estadlal is tarha hai k jab Allah Ta'ala ny mubaah cheezo mai bhi israaf yani has sy barh ker kherch krny sy mana farmaya hai' to aik aisy kaam mai maal kherch kerna to bala oula mana'a hoga jis mai koi faidah na ho.
is ki hurmat ki aik daleel yh bhi hai k Nabi kareem S.A.W ny maal zaya kerny sy mana farmaya hai.
sahi bukhari' aladab'' baab aqoq alwalden min alkabair' hadis: 5975 wa sahi muslim' al aqziya' baab alnahi un kasraat almasail ----alakh' hadis: 593'12
aur is mai koi shak nahi k tambaku aur cigarettes kharidny mai maal sarf kerna maal ko zaya kerna hai' kyun k kisi befaidah kaam mai maal sarf kerna bilashuba issy zaya kerna hi hai. is ki hurmat k agercha aur bhi bohat sy dalail hain lekin aqaldmand k liye to kitab-o-sunat ki sirf aik daleel hi kafi hoti hai.
is ki hurmat ki aqli daleel yh bhi hai k kisi bhi aqal mand ko yh bat zaib nahi deti k woh kisi aisi chez ko ikhteyar kery jo is k liye noqsan aur bimari ka sabab ka sabab bany aur phir is mai maal bhi kherch hota ho kyun k aqalmand to apny jism aur maal ki hifaat krta hai aur is mai kotahi sirf wohi kerta hai jis ki aqal aur samjh bojh mai noqs ho. is ki hurmat ki dosri aqli daleel yh hai k jab issy cigerrette nahi milti to is ka seena tang hojata hai' afkkkar preshan ka galba hojata hai aur cigerrette nosh ko ebadat khasosan rozah rakhna bohat mushkil mehsos hota hai kyun k tolu fajar sy garob aftab tak cigerrette chorna issy bohat garaa maloom hota hai aur ager rozah mosam garma k taveel dino ka ho to phir cigerrette nosh rozay ko intehai na pasandidah nigaho dy dekhta hai 'lehaza mai apny musalman bhaiyu ko amoman aur cigarettes noshi mai mubtala logo ko khasosan yh nasihet kerta hoon k woh cigarettes aur tambaku noshi sy mukammal ijtanab karen' is ki kharid-o-farokht bhi na karen aur is ka karobar kerny walo sy bhi karaya per dukan deny ya kisi bhi aur sorat mai hargiz hargiz ta'avun na karen.
Shaikh Ibn Usaymeen



Tags : cigarettes, bee.sell, haraam, forbidden
 
 

This question is on 478 page in Fatawa Islamiyah book.


Book Publisher Saudi Arab

http://www.dar-us-salam.com/
POBOX: 11416 Saudi Arab
Phone: 0096614043432
Email: riyadh@dar-us-salam.com
Book Publisher Pakistan

http://www.darussalampk.com/
36 Lower Mall, Lahore
Phone: 00924237324034 Email:info@darussalampk.com