Hazrat Zaid R.A. k talaq dainy k bad Hazrat Zainab R.A. sy Nabi (S.A.W) ki shadi k bary mai shubhat ka azaala .....


Question :
Hazrat Zaid bin Haris R.A. ki Hazrat Zainab R.A. sy shadi ka kia qissa hai' jin sy bad mai Nabi S.A.W ny shadi ker li thi? shadi kaisy howi aur phir Q khatam hugai? baz arab mulko mai hum ny baz logo sy yh suna hai k Nabi S.A.W ko Hazrat Zainat R.A. sy ishq hugaya tha aur is silsila mai mai ny jo baten suni hain' mera zameer ejazat nahi daita k mai inhen likhu lehaza barah-e-karam sahi sorat haal per roshani dalen?

Answer :
Zaid bin Harsa bin Sharaheel kalbi' Rasool Allah S.A.W k azaad kerdah gulam thy. app ny inhen azaad ker k apna mutabna bana lia tha jis ki waja sy inhen Zaid bin Mohammad kaha jata tha hatta k Allah Ta'ala ny yh hukam nazil farma dia:
Momino! ley aplko (mou boly beto) ko in k (asali) bapo k naam sy pukara karo.
"Momino! ley aplko (mou boly beto) ko in k (asali) bapo k naam sy pukara karo."
Al-Ahzab 33 :5.
To is ayat k nazol k bad logo ny inhen zaid bin harsa kehna shuro ker dia aur HAzrat Zainab sy murad Zainab bint Jahish bin Rubab asad yh hain' in ki waldah ka naam emeema bint Abdul almutlib hai jo k Rasool Allah S.A.W ki phuphi theen.
Hazrat Zaid R.A. ki Hazrat Zainab R.A. sy shadi ka qissa yh hai k khud Rasool Allah S.A.W ny yh shadi karwai thi Qk Zaid App S.A.W k azaad kerdah gulam aur mutbanathy' app ny zaid ki shadi ki bat ki to Hazrat Zainab R.A. ny inkar ker dia aur kaha k mai hasb-o-nasb k aitbar sy is behter houn lekin is moqa per Allah Ta'ala ny yh ayaat karima nazil farma di:
aur kisi momin mard aur momin orat ko haq nahi hai k jab Allah aur is ka Rasool koi amar muqarar ker den to woh is kaam mai apna bhi kuch ikhteyar samjhen aur jo koi Allah aur is k Rasool ki nafarmani kery to woh sureeh gumrah hu gaya.
"aur kisi momin mard aur momin orat ko haq nahi hai k jab Allah aur is ka Rasool koi amar muqarar ker den to woh is kaam mai apna bhi kuch ikhteyar samjhen aur jo koi Allah aur is k Rasool ki nafarmani kery to woh sureeh gumrah hu gaya."
Al-Ahzab 33 :36.
To is ayat k nazol k bad Allah Ta'ala ki etat aur Rasool Allah S.A.W lo lhuwaish k aihtaram mai Hazrat Zainab ny Zaid sy shadi ko manzor ker lia aur aik saal k qareeb Hszrat Zaid k sath rahen' phir in dono mian bivi k dermiyan ikhtalafat paida hu gaye' Hazrat Zaid ny Rasool Allah ki khidmat mai in ki shikayet ki Qk Zaid Ager Nabi S.A.W k azaad kerdah gulam aur mutbani thy to zainab App S.A.W ki phuphi amema ki beti thin' Zaid ny talaq dainy ki khuwaish ka izhar kia lekin Nabi (s.A.W) ny hukam dia k talaq na do belky sabar karo halaan ky apko wahi elahi sy yh maloom hu chuka tha k Zaid talaq dey den gay aur Zainab App k habala uqad mai aa jayen gi lekin apko khadsha mehsos howa k log ta'ana den gay k app ny apny bety ki bivi sy shadi ker li hai Qk is tarha ki shadi zamana jahliyet mai mamno thi is silsila mai Allah Ta'ala ny apny Nabi sy mukhatib hu ker farmaya:
Aur jab tum us shakhs sy jis per Allah ny aihsan kia aur tum ny bhi aihsaan kia (yh) kehty thy k apni bivi ko apny pass rehny day aur Allah sy dar aur app apny dil mai woh bat chupaty thy' jis ko Allah zahir kerny wala tha aur app logo sy darty thy halaanky Allah hi is ka ziadah mustahiq hai k app is sy daren.
"Aur jab tum us shakhs sy jis per Allah ny aihsan kia aur tum ny bhi aihsaan kia (yh) kehty thy k apni bivi ko apny pass rehny day aur Allah sy dar aur app apny dil mai woh bat chupaty thy' jis ko Allah zahir kerny wala tha aur app logo sy darty thy halaanky Allah hi is ka ziadah mustahiq hai k app is sy daren."
Al-Ahzab 33 : 37.
Yani Allah Ta'ala us ko janta hai k app apny jee mai is bat ko chupa rahy thy' jissy Allah Ta'ala ny apko maloom karwa dia tha k Zaid apni bivi ko talaq dey den gay aur phir zainab sy app ki shadi hogi ta k app hukam elahi k samny sar etat jhukaty huwa' is ki hikmat-o-maslehat k mutabiq Zainab sy shadi ker len lekin app logo ki bato aur ilzam tarashiyo sy darty hain halaanky Allah Ta'ala ki zaat is bat ki ziada mustahiq hai k app is sy daren lehaza app logo ki bato ki perwah kiye bagair is bat ka khulam khula elaan farma dijeye jo Zaid aur Zainab R.A. sy in ki shadi ki babut bazariya wahi bata dia gaya hai.
Hazrat Zaid ny jab talaq dey di aur eddat guzer gae to Nabi S.A.W ny Hazrat Zainab ko shadi ka paigam bheja to Allah Ta'ala ny khud hi walee aur guwaho k bagair apny paigumber ki Hazrat Zainab sy shadi ker di' bilashuba Nabi S.A.W tamam momino k walee hain balky in ki jano sy bhi ziadah haq rakhty hain jaisa k Allah Ta'ala ny farmaya:
Paigumber Nabi (S.A.W) momino per in ki jano sy bhi ziadah haq rakhty hain.
"Paigumber Nabi S.A.W momino per in ki jano sy bhi ziadah haq rakhty hain."
Al-Ahzab 33 : 6.
Zamana jahliyet mai jo ley palik banany ki adat thi Allah Ta'ala ny issy batil ker dia aur musalmano k liye yh halaal qarar dey dia k woh apny ley palko ki biviyo k sath is k talaq dainy ya is k foot hujany ki sorat mai shadi ker sakty hain. Allah Ta'ala ny musalmano per rehmat farmany aur is sy harj ko dour kerny k lye yh hukam dia.
yh jo biyan kia jata hai k Nabi kareem S.A.W ny Zainab ko pas perdah sy dekha to is sy in ki mohabbat app k dil mai ghar ker gae' app ko in sy ishq hugaya' Hazrat Zaid R.A. ko is ka ilm hugaya to inhuny apny app per Nabi kareem S.A.W ko terjeeh di aur zainab R.A. ko talaq dey di ta k Nabi kareem S.A.W in sy nikaan ker len to yh baten kisi bhi sahi sanad sy sabit nahi' wesy bhi Hazraat Anmbiya karaam A.S. ki shan is sy bohat onchi' in k nafs Afif' in k ikhlaq karimana aur in ka maqaam-o-martaba is qism ki bato sy buland-o-bala aur arfa'a-o-a'ala hota hai aur phir Nabi kareem S.A.W ny khud apni phophi zaad Zainab ka rishta Hazrat Zaid k liye talb kia tha' ager app k dil mai Hazrat Zainab k bary mai aisi koi bat hoti to app shoru hi mai yh rishta zaid ki bajaye apny liye talb farma laity khasosan jab k shoru mai Hazrat Zainab ny is sy inkar bhi ker dia tha aur app is wqt razi howi jab Allah Ta'ala ny ayaat nazil farmai. der haqiqat yh Allah Ta'ala ki tarf sy zamana jahliyet ki adaat ko khatam kerny k liye aik tadbeer aur faisla tha aur logo k liye is mai takhfif aur rehmat ka pehlu tha jaisa k irshad bari ta'ala hai:
Phir jab Zaid is sy apni hajat puri ker chuka (yani is ko talaq dey di) to hum nny is (mutalqa khaton) ka app sy nikaah ker dia ta k momino per apny moun boly beto ki biviyo k sath nikaah kerny k bary mai koi tangi na rahy jab woh in sy apni hajat puri ker chuky houn ( yani talaq dey den) aur Allah Ta'ala ka hukam waqy hu ker rehny wala tha. NAbi (S.A.W) per kisi aisy kaam mai koi rakawat nahi hai jo Allah Ta'ala ny in k liye muqarar ker dia hu. Jo Anmbiya karam pehly guzer chuky hain in k mamly mai bhi Allah Ta'ala ka yahi dastur raha hai. aur Allah ka hukam aik qati tay shudah faisla hota hai. (yh Allah TA'ala ka dastur hai in logo k liye) jo Allah k paigamat (jou k tou) pohanchaty aur issy sy darty rahy aur Allah k siwa kisi sy nahi darty thy aur Allah hi hisab lainy k liye kafi hai. Mohammad (S.A.W) tumhary mardo mai sy kisi k baap nahi hain balky woh Allah k RAsool aur khatam-un-nabiyeen hain. aur Allah her cheez ka ilm rakhny wala hai.
"Phir jab Zaid is sy apni hajat puri ker chuka (yani is ko talaq dey di) to hum nny is (mutalqa khaton) ka app sy nikaah ker dia ta k momino per apny moun boly beto ki biviyo k sath nikaah kerny k bary mai koi tangi na rahy jab woh in sy apni hajat puri ker chuky houn ( yani talaq dey den) aur Allah Ta'ala ka hukam waqy hu ker rehny wala tha. Nabi S.A.W per kisi aisy kaam mai koi rakawat nahi hai jo Allah Ta'ala ny in k liye muqarar ker dia hu. Jo Anmbiya karam pehly guzer chuky hain in k mamly mai bhi Allah Ta'ala ka yahi dastur raha hai. aur Allah ka hukam aik qati tay shudah faisla hota hai. (yh Allah Ta'ala ka dastur hai in logo k liye) jo Allah k paigamat (jou k tou) pohanchaty aur issy sy darty rahy aur Allah k siwa kisi sy nahi darty thy aur Allah hi hisab lainy k liye kafi hai. Mohammad S.A.W tumhary mardo mai sy kisi k baap nahi hain balky woh Allah k Rasool aur khatam-un-nabiyeen hain. aur Allah her cheez ka ilm rakhny wala hai."
Al-Ahzab 33 : 37-40.
Fatwa Committee



Tags : talaq, divorce, shadi, marriage, momin, believer
 
 

This question is on 187 page in Fatawa Islamiyah book.


Book Publisher Saudi Arab

http://www.dar-us-salam.com/
POBOX: 11416 Saudi Arab
Phone: 0096614043432
Email: riyadh@dar-us-salam.com
Book Publisher Pakistan

http://www.darussalampk.com/
36 Lower Mall, Lahore
Phone: 00924237324034 Email:info@darussalampk.com