Jo shakhs Roza to rakhta hai lekin Namaz mai susti kerta hai


Question :
baz nojawan (Allah TA'ala inhen hadayat ata farmaye) ramzan wagairah mai namaz mai to susti kerty hain lekin ramzan k rozay bohat aihtatam sy rakhty aur bhol piyas ko berdasht kerty hain. app inhen kia nasihet farmayen gay? aisy nojawano k rozay k bary mai kia hukam hai?

Answer :
Meri in nojawano ko yh nasihet hai k woh apny bary mai thora sa gour karen aur is haqiqat ko khub jaan lain k namaz shadaten k bad islam ka sab sy ahem rukan hai. jo shakhs namaz na parhy aur mahez susti ki waja sy chor dey to mery nazdeek rajeh qoul k mutabiq' jis ki kitab-o-sunnat k dalail sy taid hoti hai' woh kafir' millet islamia sy kharij aur islam sy murtid hai' lehaza yh mamla koi mamooli mamla nahi. jo shakhs kafir aur murtid ho jaye to phir is ka roza' sadqa ya koi aur amal bhi maqbol nahi kyun k irshad bari ta'ala hai:
aur in logo k kherch (sadqaat) sirf is liye qabool nahi kiye jaty k woh Allah aur is k Rasool k munkir hain aur namaz ko aaty hain to mahez sust-o-kahil ho ker aur kherch kerty hain to na khushi sy.
"aur in logo k kherch (sadqaat) sirf is liye qabool nahi kiye jaty k woh Allah aur is k Rasool k munkir hain aur namaz ko aaty hain to mahez sust-o-kahil ho ker aur kherch kerty hain to na khushi sy."
At-Tawbah 9:54.
Is ayat karima mai Allah subhan-o-ta'ala ny yh biyan farmaya hai k in logo ka apny maal ko kherch kerna bhi in k kufr ki waja sy qabool nahi hota halaan k is sy dosron ko faidah pohanchta hai' naiz farman bari ta'ala hai:
aur jo inhuny amal kiye houn gay' hum in ki tarf mutawajja houn gay to in ko urati khak ki manind ker den gay.
"aur jo inhuny amal kiye houn gay' hum in ki tarf mutawajja houn gay to in ko urati khak ki manind ker den gay."
Al-Furqan 25:23.
Yh log jo rozah to rakhty hain lekin namaz nahi parhty to in ka rozah bhi maqbol nahi balky mardod hai kyun k hum yh kehty hain k namaz na parhny ki waja sy woh kafir hain jaisa k kitab Allah aur sunnat Rasool Allah S.A.W sy yh sabit hai' lehaza meri in nojawano ko nasihet yh hai k woh Allah Ta'ala sy daren' namaz ki pabandi karen aur namaz ko bar wqt aur bajamat ada karen. Allah ki tufeeq sy mai inhen is bat ki zamanat deta hoon k jab woh namaz ki pabandi karen gay to is sy Allah Ta'ala k fazal-o-karm sy ramzan aur ramzan k bad bhi apny dilo mai namaz ki ragbat aur shouq mehsos karen gay aur namaz ko ber wqt aur bajamat ada karen gay kyun k insan jab apny rab ki tarf rajo kerta hai aur is ki baargaah quddad mai sachay dil sy touba kerta hai to Allah Ta'ala tuba k bad k amaal ko yaqinan sharf qaboliyet sy nawazta hai jaisa k Allah Ta'ala ny Hazrat Adam Aleh As Salat-o-as-Salam k hawala sy ziker farmaya hai k darakht ka phal khany k bad jab inhuny paki sachi touba ker li to:
phir in k perverdigar ny inhen burgazeedah kia pas in ki tuba qabol farmai aur inhen sidhi raah batai.
"phir in k perverdigar ny inhen burgazeedah kia pas in ki tuba qabol farmai aur inhen sidhi raah batai."
Ta-Ha 20: 122.
Shaikh ibn Usaymeen



Tags : roza, fast, namaz, prayer, susti, lazy
 
 

This question is on 169 page in Fatawa Islamiyah book.


Book Publisher Saudi Arab

http://www.dar-us-salam.com/
POBOX: 11416 Saudi Arab
Phone: 0096614043432
Email: riyadh@dar-us-salam.com
Book Publisher Pakistan

http://www.darussalampk.com/
36 Lower Mall, Lahore
Phone: 00924237324034 Email:info@darussalampk.com