Fasiq' Jahil aur Bewaqof wagairah ki Imamat


Question :
jo shakhs daarhi mundata ho ya cigarette noshi kerta ho ya jahil aur bewaqof ho aur Quran parhna na janta ho to is k peechay namaz parhny ka kia hukam hai?

Answer :
Cigarette noshi kerny wala aur daarhi mundany wala ager mustaqil ya gair mustaqil imam ho aur is k elawah kisi dosry imam k peechay namaz parhna mumkin ho to phir kisi dosry imam hi k peechay namaz ada ki jaye aur ager kisi dosry k peechay mumkin na ho to phir jamat k sawab k hasool k liye is k peechay namaz parh li jaye' ager aisa imam mustaqil ho aur issy badal ker is sy behter imam muqarar kerna mumkin ho to yh wajib hoga aur ager imam ko badalna mumkin na ho k is sy behter koi dosra imam majod na ho ya issy imamat sy ma'azol kerny mein zaberdast kharabiyu k peda hony ka andesha ho to phir issy ber qarar rakha jaye ta k aala maslihet k hasool ki khatir adna'a maslihet ko qurban ker dia jaye aur bari kharabi ki nisbet choti kharabi ko ikhteyar ker lia jaye.
Baki rahi jahil-o-bewaqof ki imamat to sahi muslim mein Abu Masud Badri R.A. sy ravayat hai k Nabi kareem S.A.W ny farmaya:
qoum ki imamat woh karwaye jo in mein kitab Allah ko ziadah parhny wala ho' ager woh qirret mein braber houn to phir woh imamat karwaye jo sunnat ko ziadah janny wala ho' ager woh sunnat k ilm mein bhi braber houn to phir woh jo hijrat kerny mein muqadam ho aur ager woh hijrat mein bhi braber houn to phir woh imamat karwaye ho umer mein in sy bara ho.
"qoum ki imamat woh karwaye jo in mein kitab Allah ko ziadah parhny wala ho' ager woh qirret mein braber houn to phir woh imamat karwaye jo sunnat ko ziadah janny wala ho' ager woh sunnat k ilm mein bhi braber houn to phir woh jo hijrat kerny mein muqadam ho aur ager woh hijrat mein bhi braber houn to phir woh imamat karwaye ho umer mein in sy bara ho."
Muslim no. 673.
Aik aur ravayat mein ilfaz yh hain k:
jo islam qabol kerny mein muqadam ho' koi admi kisi dosry admi ki jagah imamat na karwaye aur na ejazat k bagair kisi ki ezzat ki jagah per bethy.
"jo islam qabol kerny mein muqadam ho' koi admi kisi dosry admi ki jagah imamat na karwaye aur na ejazat k bagair kisi ki ezzat ki jagah per bethy."
Muslim no. 673.
Is hadis sy maloom howa k woh jahil jo sorat fatiha ki qirret bhi achi tarha na ker sakta ho' is ki imamat jaiz nahi haan ager koi aur imamat k laiq shaksh majod na ho to phir issi tarha ka jahil apny jaisy jahilo ki imamat karwa sakta hai.
Shaikh ibn Jibreen



Tags : fasiq, jahil, stupid, imamat, imamate
 
 

This question is on 507 page in Fatawa Islamiyah book.


Book Publisher Saudi Arab

http://www.dar-us-salam.com/
POBOX: 11416 Saudi Arab
Phone: 0096614043432
Email: riyadh@dar-us-salam.com
Book Publisher Pakistan

http://www.darussalampk.com/
36 Lower Mall, Lahore
Phone: 00924237324034 Email:info@darussalampk.com