Jo Shakhs Namaz nahi parhta is k Roza ka hukam


Question :
Main ny baz musalman nojawano ko dekha hai k woh roza to rakhty hain lekin namaz nahi parhty to kia is shakhs ka roza qabol hojata hai jo namaz na parhy? Main ny baz wa'azo sy yh suna hai k woh aisy nojawano sy kehty hain k iftar ker do aur roza na rakho kyun k jo namaz na parhy us ka roza bhi nahi hota to mehrbani ker k rehnumai farmaye kia yh braber hai k yh roza rakhyn ya na rakhen? aur kia humen inhen yh bat kehny ka haq pohanchta hai k ager tum namaz nahi parhty to roza bhi chor do?

Answer :
jis shakhs per namaz wajib ho aur woh apny qasad-o-iradah sy wajob namaz ka inkar kerty huway issy tark ker dy to is bat per oulama ka ijma'a hai k woh kafir hai aur jo shakhs mahez susti-o-kahli ki waja sy namaz tark ker dy to oulama k sahi qoul k mutabiq woh bhi kafir hai aur jab woh kafir hai to is roza aur is ki deegar ebadaat raigaa hain kyun k Allah Ta'ala ka irshad grami hai:
aur ager woh log shirk kerty to jo amal woh kerty thy' sab zaya ho jaty.
"aur ager woh log shirk kerty to jo amal woh kerty thy' sab zaya ho jaty."
Al-An'am 6 :88.
Lekin namaz na parhny waly ko hum yh hukam nahi den gay k woh roza bhi tark ker dy kyun k roza issy kher aur deen k qareeb hony mein madad dey ga aur is k dil k is khuf ki waja sy jo issy roza rakhny per majbor kerta hai' umeed hai k woh namaz parhna bhi shoru ker dy ga aur aindah k liye tark namaz sy tuba ker lay ga. wa billah al tufeeq
Darood-e-Pak
Fatwa Committee



Tags : namaz, pray, roza, fasting, musalman nojawan, young muslim
 
 

This question is on 489 page in Fatawa Islamiyah book.


Book Publisher Saudi Arab

http://www.dar-us-salam.com/
POBOX: 11416 Saudi Arab
Phone: 0096614043432
Email: riyadh@dar-us-salam.com
Book Publisher Pakistan

http://www.darussalampk.com/
36 Lower Mall, Lahore
Phone: 00924237324034 Email:info@darussalampk.com