Mahekmo' Idaron aur Companiyon mein Namaz


Question :
hamary shaher mein "Amar Bil ma'arof aur nahi an al munkir" k mahakma k sarbarah ny yh hukam dia hai k bank ka her mulazim namaz zuhar qareebi masjid mein bajamat ada kery' jab k bank mudeer ki yh rai hai k bank k tamam mulazimeen ko bank k ander hi bajamat namaz ada kerni chaheye ap ka is bary mein kia fatwa hai?

Answer :
Rasool Allah S.A.W ki qouli-o-faili sunnat yh hai k namaz ko masjid mein bajamat ada kia jaye. app ny in logo k gharo ko aag sy jala deny ka iradah farmaya' jo masjido mein namaz jamat k sath ada kerny k liye nahi aaty. hazraat khulafa-e-rashden' sahaba karam R.A. aur ta'abiyen ka bhi yahi ma'amol tha k woh namaz ko masjido mein jamat k sath ada farmaty thy.
Sahi hadis mein hai k Nabi S.A.W ny farmaya:
jo shakhs azaan ki awaz suny aur phir masjid mein na aye to is ki namaz hi nahi hoti' illa yh k koi (ma'aqol sharai) uzer ho.
"jo shakhs azaan ki awaz suny aur phir masjid mein na aye to is ki namaz hi nahi hoti' illa yh k koi (ma'aqol sharai) uzer ho."
Ibn Majah no. 793, Ad-Daramqutni 1 :420 aur Al-Hakim 1 :245.
Issi tarha yh bhi sahi hadis sy sabit hai k aik (nabina) admi ny araz kia:
Ya Rasool Allah! mera koi muavin nahi' jo mujhy masjid mein la saky to kia mery liye rukhsat hai k mein ghar mein namaz ada kar loon?
"Ya Rasool Allah! mera koi muavin nahi' jo mujhy masjid mein la saky to kia mery liye rukhsat hai k mein ghar mein namaz ada kar loon?" Ya Rasool Allah S.A.W ny is sy farmaya " kia tum namaz k liye azaan sunty ho?" is ny araz kia "Jee haan" App S.A.W ny farmaya "to is per labaik kaho."
Muslim no. 653.
Aik ravayat mein ilfaz yh hain k App S.A.W ny farmaya:
Nahi mein tumhary liye koi rukhsat nahi pata.
"Nahi mein tumhary liye koi rukhsat nahi pata."
Ahmad 3 :423 aur Abu Dawud no. 552.
In ahaadis mubarka sy wazeh howa k bank k mulazimeen ko chaheye k woh qareebi masjid mein namaz bajamat ada karen ta k sunnat per amal ho' farz ki adaigi ho' masjido mein bajamat namaz ada kerny sy peechay reh jany k liye ikhtiyar kiye jany waly heelo' bahano ka sad baab ho aur munafiqo ki mushabihet sy ijtanab ho. Wa Billah Al tufeeq
Darood-e-pak
Fatwa Committee



Tags : namaz, pray, company, masjid, mosque
 
 

This question is on 457 page in Fatawa Islamiyah book.


Book Publisher Saudi Arab

http://www.dar-us-salam.com/
POBOX: 11416 Saudi Arab
Phone: 0096614043432
Email: riyadh@dar-us-salam.com
Book Publisher Pakistan

http://www.darussalampk.com/
36 Lower Mall, Lahore
Phone: 00924237324034 Email:info@darussalampk.com