Kya Nabi Kareem (S.A.W) Qabar mein Dua or Darood suntay hain?


Question :
Kia Nabi kareem (S.A.W) qabr sharif k pass hr dua aur pukar ko sunty hain ya khas tor per sirf darood sharif hi ko sunty hain jaisa k hadis mai hai k:
jo shakhs meri qabr k pass mujh per darood bhejhay mai issy sunta hoon
"jo shakhs meri qabr k pass mujh per darood bhejhay mai issy sunta hoon"

Al-Bayhaqi in Shu'abul-Imam 2 :218, no. 1583.
Naiz farmaiye kia yh hadis sahi hai ya zaeef hai ya mozo?

Answer :
Asal bat yh hai k murday' zindah insano ki dua aur pukar ko nahi sunty jaisa k irshad bari ta'ala hai:
Aur (Aye Paigumber!) app in ko jo qabrom mai (madfon) hain suna nahi sakty.
"Aur (Aye Paigumber!) app in ko jo qabrom mai (madfon) hain suna nahi sakty."
Al-Fatir 35 :22.
Kitab-o-sunnat sahiha sy yh qatan sabit nahi hai k App (S.A.W) insan ki hr dua aur pukar sunty hain k issy app ki khasosiyat tasleem ker lia jaye balkey app sy sirf yh sabit hai k app ki zaat grami per salat-o-salaam parhny waly k salat-o-salaam ko app tak pohancha dia jata hai khuwah koi app ki qabr sharif k pass parhy' dono halaten braber hain. Hazrat Ali Bin Hussain Ali R.A. sy ravayat hai k inhuny dekha k aik admi Nabi kareem (S.A.W) ki qabr k pass aik "Farjah" mai ata hai aur is mai dakhil hu kr dua kerta hai. app ny issy mana kia aur farmaya kia mai tumhen woh hadis na sunaon jissy mai ny apny baap sy aur inhuny mery dada sy suna k Rasool Allah (S.A.W) ny farmaya:
Meri qabr ko Eid aur apny gharo ko qabren na banana aur mujh per darood parhty rehna' tum jahan kahiin bhi hogy tumhara salaam mujhy pohanch jaye ga.
"Meri qabr ko Eid aur apny gharo ko qabren na banana aur mujh per darood parhty rehna' tum jahan kahiin bhi hogy tumhara salaam mujhy pohanch jaye ga."
Abu Dawud no. 2042, Ahmad 2 :367 and Abu Yala no. 469.
Yh hadis k "jo shakhs meri qabr k pass darood parhta hai' ussy mai sunta hoon aur jo dour sy parhta hai issy pohancha dia jata hoon." Ahl-e-Ilm k nazdeek zaeef hai. Abu Dawud ny hasan sanad k sath HAzrat Abu Hurerah R.A. ki jo yh ravayat biyan ki hai k
jo shakhs bhi mujh per salaam bhejta hai to Allah Ta'ala meri rooh ko lota daita hai hatta k mai is k salaam ka jawab daita hoon.
"jo shakhs bhi mujh per salaam bhejta hai to Allah Ta'ala meri rooh ko lota daita hai hatta k mai is k salaam ka jawab daita hoon."
Abu-Dawud no. 2041.
Es mai yh surahet nahi hai k App (S.A.W) salam bhejny waly k salaam ko sunty bhi hain balkey is baat ka bhi aihtamal hai k app is wqt jawab daity houn gey' jab farishty App (S.A.W) ko salam pohanchaty houn gey aur agr hum yh farz bhi ker len k app salaam parhny waly k salam ko sunty hain to is sy yh lazim nahi ata k App (S.A.W) dua aur pukar ko bhi sunty hain.
Fatwa Committee



Tags : dua, supplicate, qabar, grave, salam, salutation
 
 

This question is on 93 page in Fatawa Islamiyah book.


Book Publisher Saudi Arab

http://www.dar-us-salam.com/
POBOX: 11416 Saudi Arab
Phone: 0096614043432
Email: riyadh@dar-us-salam.com
Book Publisher Pakistan

http://www.darussalampk.com/
36 Lower Mall, Lahore
Phone: 00924237324034 Email:info@darussalampk.com