Kya Nabi (S.A.W.) apni Qabar mein Zindah hain?


Question :
kia Nabi kareem (S.A.W) apni qabr sharif mai is tarha zindah hain k rooh ansari jism-o-badn mai majood hu aur apki yh zindagi deenvi-o-hasi zindagi jaisi hu? ya app ki zindagi ala elliyeen mai akhrvi-o-berzakhi zindagi hai k jis mai insan mukallaf nahi hota jis tarha app ny wafat k wqt farmaya bhi tha k ((Allah humma birrafiqil a'ala)) aur ab qabr mai apka jasad munawwar bila rooh hai jab k rooh mubarik a'ala elliyeen mai hai aur rooh pak ka jism ather k sath aisaal roz qayamat ko hoga jis tarha irshad bari ta'ala hai ((Wa Ezan'nafoso zuwijat)) " aur jab rohen (badno sy) mila di jayen gi?"

Answer :
Hamary Nabi Hazrat Mohammad (S.A.W) ki qabr mai berzakhi zindagi hai. Allah Ta'ala ny app k liye apni naimato ki sorat mai app k aamal saleha ki jo puri puri jaza ata farmai hai' is sy app mustafeed hoty hain lekin apki rooh mubarik jism ather mai nahi hai jis tarhan dunia mai thi aur na hi rooh ka jism ather sy is tarha aitsaal hai jis tarha qayamat k din hoga balkey us wqt App (S.A.W) ki zindagi berzakhi zindagi hai' jo deenvi zindagi aur akhervi zindagi k sermiyan ki aik zindagi hai. is sy maloom hota hai k app wafat paa gaye thy jis tarha k App (S.A.W) sy pehly sabqa tamam anmbiya karam A.S. bhi foot huga ye thy jaisa k Allah Ta'ala ny farmaya hai:
Aur (Aye Paigumber!) hum ny app sy pehly kisi admi ko baqaye dawaam nahi bakhsha bhala agr app foot hu jayen to kia yh log hamesha rahen gey.
"Aur (Aye Paigumber!) hum ny app sy pehly kisi admi ko baqaye dawaam nahi bakhsha bhala agr app foot hu jayen to kia yh log hamesha rahen gey."
Aur farmaya:
Jo (Makhloq) zameen per hai sab ko fana hona hai aur tumhary perverdigar hi ki zaat (baberkat) jo sahib jalaal-o-azmat hai baki rahygi.
"Jo (Makhloq) zameen per hai sab ko fana hona hai aur tumhary perverdigar hi ki zaat (baberkat) jo sahib jalaal-o-azmat hai baki rahygi."
aur farmaya:
(Aye Paigumber!) app bhi foot hujayen gey aur woh bhi foot hujayen gay.
"(Aye Paigumber!) app bhi foot hujayen gey aur woh bhi foot hujayen gay."
Mazkorah bala aur is tarha ki deegar ayaat sy maloom hota hai k Allah Ta'ala ny App (S.A.W) ko foot ker dia tha aur issy waja sy sahaba karaam R.A. ny app ko gusal dia' janaza (basorat Darood sharif) parha aur apko roza ather mai dafan kr dia. ager apki zindagi deenvi zindagi jaisi hoti to app k sath yh mamlaat na kiye jaty jo foot shudah insano k liye makhsos hain. App (S.A.W) ki wafat k bad Hazrat Fatima R.A. ny app ki virasat ka mutalba kia Qk in ka bhi yahi aitqad tha k app wafat paa gaye hain' yh aitqad rakhny mai Hazrat Sahaba karaam R.A. mai sy kisi ny bhi apki mukhalfat nahi ki haan albata Hazrat Abu Bakr R.A. ny yh jawab zaror dia k Hazrat Anmbiya karam A.S. ki virasat in k variso mai taqseem nahi hoti. App (S.A.W) ki wafat k bad Hazrat sahaba karam jama'a howay ta k app k bad app k khalifa ka intekhab ker len' chanachey khalifa awwal k tour per Hazrat Abu Bakr Saddique R.A. ka intekhab amal mai aya. Sahaba karaam ki tarf sy Hazrat Abu Bakr R.A. ko khalifa muntakhib kerna goya in ka is bat per ijma'a hai k HAzrat Mohammad (S.A.W) wafaat paa chukey hain' agr apki zindagi ab bhi deenvi zindagi jaisi hoti to Hazrat sahaba karaam Hazrat Abu Bakr R.A. ko khalifah muntakhib na kerty.
Hazrat Usman aur HAzrat Ali R.A k dour mai aur is sy pehly aur bad mai Hazrat sahaba karaam R.A. ko jin fitno aur mushkilat ka samna kerna para in mushkil halaat mai woh kabhi bhi RAsool Allah (S.A.W) ki qabr sharif ki tarf nahi gaye k app sy mashwarah karen ya in fitno aur mushkilat sy nikalny ka tarika maloom karen. ager app ki zindagi deenvi zindagi jaisi hoti to in halaat mai woh zaror App (S.A.W) sy mashwarah kerty Qk woh is bat k shadid zarorat mand thy k koi inhen in mushkil halaat sy nikalny ki sabeel bataye ya raah samjhaye!
Fatwa Committee



Tags : dua, supplicate, qabar, grave, qayamat, resurrection
 
 

This question is on 92 page in Fatawa Islamiyah book.


Book Publisher Saudi Arab

http://www.dar-us-salam.com/
POBOX: 11416 Saudi Arab
Phone: 0096614043432
Email: riyadh@dar-us-salam.com
Book Publisher Pakistan

http://www.darussalampk.com/
36 Lower Mall, Lahore
Phone: 00924237324034 Email:info@darussalampk.com